තහවුරු නොකළ චෝදනා එල්ල කොට ලෝ ප්රකට ක්රීඩකයන්ගේ ගෞරවයත්, රටේ ගෞරවයත් විනාශ නොකරන ලෙස හිටපු ක්රීඩා අමාත්ය හරීන් ප්රනාන්දු මහතා අවධාරණය කොට ඇත.
2011 ක්රිකට් ලෝක කුසලානයේ අවසන් මහා තරගය විකිණූ බවට හිටපු ක්රීඩා අමාත්ය මහින්දානන්ද අලුත්ගමගේ මහතා විසින් කර තිබූ ප්රකාශයට අනුව ලෝක ප්රකට ක්රිකට් ක්රීඩකයන්ගෙන් ප්රශ්න කිරීමට යම් යම් ආයතන කටයුතු කිරීම සම්බන්ධයෙන් ට්විටර් පණිවුඩයක් නිකුත් කරමින් හරීන් ප්රනාන්දු මහතා මේ බව සදහන් කර තිබේ.
මෙය තනිකරම පිස්සුවක් බවත්, මෙම ක්රීඩකයන් රටේ ගෞරවය බවත් පෙන්වා දෙන ප්රනාන්දු මහතා ආණ්ඩුව ජනතා අවධානය වෙනතකට යොමු කිරීම සදහා මෙවැනි පදනම් විරහිත ප්රකාශයන් සිදුකරමින් සිටින බවත් පෙන්වා දී ඇත.
මහින්දානන්ද අලුත්ගමගේ මහතා කළ ප්රකාශය පදනම් කරගෙන මේ වනවිටත් අදාළ අංශ අරවින්ද ද සිල්වා, උපුල් තරංග සහ කුමාර් සංගක්කාර යන මහත්වරුන්ගෙන් ප්රශ්න කිරීමට පියවර ගෙන ඇත.
