තනි කඳවුරක් ලෙස ගත්විට තම පක්ෂයට පළාත් පාලන ආයතනවල වැඩි මන්ත්රීවරු සංඛ්යාවක් සිටින බවටත්, සුන්බුන් එකතු වූ විට පළාත් පාලන ආයතන කිහිපයක පමණක් තම පක්ෂය පිටුපසින් සිටින බවටත් ජනාධිපති අනුර කුමාර දිසානායක මහතා පසුගිය දිනෙක අරලියගහ මන්දිරයේදී සිදුකළ ප්රකාශය සම්බන්ධයෙන් පාර්ලිමේන්තු මන්ත්රී ප්රසාද් සිරිවර්ධන මහතා දෙරණ 360 දේශපාලන සංවාදයේදී අදහස් පළ කළා. Sri Lanka Latest News
ප්රසාද් සිරිවර්ධන
අපි මුලින්ම ජනාධිපතිවරයාගේ ඒ කතාව අහලා බලමු.
‘අපිට තමයි තනි කඳවුරක් ලෙස වැඩිම මන්ත්රීවරු සංඛ්යාව ඉන්නේ. ඒත් සුන්බුන් එකතු වුණාම අපි දෙක තුනක පිටිපස්සෙන් ඉන්නවා. ඒ 115ම අපි පිහිටුවනවා. ඒක තමයි ප්රජාතන්ත්රවාදය. සුන්බුන් එකතු කරලා සභාවක් පිහිටුවන්න කියලා ජනවරමක් ලැබිලා නෑ. ඒ නිසා ජනවරමේ බලය තියෙන්නේ අපි ගාව. හැබැයි වෙන දේවල් කරන්න ආවොත් අනිත් ටිකත් අපි පිහිටුවන්න කටයුතු කරනවා…’
ප්රසාද් සිරිවර්ධන
ජනාධිපතිවරයා බලය අයුතු ලෙස භාවිත කරන අවස්ථාවක්.
මාධ්යවේදියා
හැබැයි මේ පළමු අවස්ථාව නෙවෙයි. ඔහු අරලියගහ මන්දිරයට සභිකයෝ ගෙන්වලා කට්ටියට ගහන්න උසිගන්වපු අවස්ථාත් තිබුණා සමහර වෙලාවට, සමහරු?
ප්රසාද් සිරිවර්ධන
ඒක ප්රතික්ෂේප කරලනේ අලුත් දේශපාලන සංස්කෘතියක් හැදුවේ. ඉස්සෙල්ලාම තමන් අනිත් අයට තමන්ගේ බලය පෙන්වන්න කලින් තමන්ගේ පිරිසිදුභාවය පෙන්නුම් කරලා ඉන්න ඕනේ ජනාධිපතිවරයා. අරලියගහ මන්දිරයේ නැතුව ඕක පැලවත්තේ තිබ්බා නම් මරු. එතකොට අපිට ඒ කතාව කියන්න ඕනේ නෑනේ. කොහොමද කියන්නේ ඒක ප්රජාතන්ත්රවාදය කියලා. ප්රජාතන්ත්රවාදය කියන්නේ ඕකටද? සභිකයෝ ඉන්නවා සභාවක. වැඩි පිරිසකගේ කැමැත්ත ලැබෙන කෙනා සභාපතිවරයා බවට පත්වෙනවා. පාර්ලිමේන්තුවේ වුණත් එහෙමයි. පසුගිය අර්බුදකාරී අවස්ථාවේ රනිල් වික්රමසිංහ ජනාධිපතිවරයා බවට පත්වුණේ ව්යවස්ථා විරෝධීවද? ප්රජාතන්ත්ර විරෝධීවද? නෑ. ඒක තමයි සිස්ටම් එක. පාර්ලිමේන්තු මන්ත්රීවරුන්ගේ ඡන්දයේදී බහුතර ප්රමාණයක් ලබාගත්ත රනිල් වික්රමසිංහ. අඩු ප්රමාණයක් ලබාගත්ත ඩලස් අලහප්පෙරුම. එතකොට එයා පත්වෙනවා. එතකොට ඩලස් අලහප්පෙරුම කිය කියා යන්න පටන්ගත්තොත් එහෙම මේක ප්රජාතන්ත්ර විරෝධීයි, එහෙම බෑ, සුන්බුන් එකතු කරලා පත්වුණේ කියලා. ඒක කතාකරන කෙනාගේ දේශපාලන පරිණතභාවය පෙන්නුම් කරන අවස්ථාවක් හැටියටයි මම දකින්නේ. ජනාධිපතිවරයට එහෙම කියන්න බෑ. සභිකයන් ලෙස පත්වෙන මහජන නියෝජිතයන්ව හෑල්ලුවට ලක්කරනවා. සුන්බුන්. මොකක්ද සුන්බුන් කතාව? සුන්බුන් එකතු කරලා ආණ්ඩු පෙරළුවා මතක නැද්ද ජනාධිපතිවරයාත් ඇතුළත්ව 2004දී රනිල් වික්රමසිංහ ආණ්ඩුව. එදා ඒක හරි. අද සුන්බුන්. එයාගේ අතීතයම තමයි එයාට විරුද්ධව ප්රශ්න කරන්නේ.
