අද අප ජීවත් වන්නේ රැකවරණයක් ආරක්ෂාවක් නැති රටක බවත් රටේ නීතිය වල් බිහි වී කැලෑ නීතිය රජවී තරගයට මිනීමරාගන්න බවත් අපරාධ කල්ලි, සංවිධානාත්මක කල්ලි හා මැර කණ්ඩායම් සමාජය ගිලගෙන ඇති බවත් නිවසට පැමිණ වෙඩි තියන තැනට රට පත්ව ඇති බවත් රට නිදහස් නිවහල් දේශයක් වුණාට මේ නිසා ජනතාවට කිසිදු නිදහසක් නොමැති බවත් හැමෝම බියෙන් ජීවත් වන බවත් විපක්ෂ නායකවරයා පැවසීය. Sri Lanka Latest News
අද රජයන්නේ ජනතා පරමාධිපත්යය හෝ රටේ නීතිය නොව T56, උණ්ඩය හා බෝම්බය බවත් කැලෑ නීතිය රජ වී ඇති බවත් ජනතා විමුක්ති පෙරමුණ රජයට නීතිය ක්රියාත්මක කරන්න හැකියාවක් නොමැති බවත් දරුවන් ඉදිරියේ පවා මිනිමරන තැනට රට පත්ව ඇති බවත් මිනිමැරීම සුපුරුදු දෙයක් බවට පත්ව ඇති බවත් මේවා ගැන ප්රශ්න කරන විට මාලිමා ආණ්ඩුවට අනුව එය ජාතික ආරක්ෂාවට බලනොපන බව පවසන බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ අද අගලවත්ත ප්රදේශයේ පැවැති ජන හමුවක් අමතමිනි.
මේ මිනීමරු සංස්කෘතිය නැති කරන්න රජයට වැඩපිළිවෙළක් සහ කොන්දන් නොමැති බවත් කාන්තාවන් දූදරුවන් වෘත්තියවේදීන් ව්යාපාරිකයන් පවා මරණ බවත් මේ වනවිට මහපාරේ තියා නිවසේවත් සිටිය නොහැකි බවත් කාන්කාවන් හා දුදරුවන් පවා අනාරක්ෂිත බවත් ජාතික ආරක්ෂාව ගැන ටියුෂන් දෙන්න පුළුවන් කියු ආණ්ඩුවට රටේ ජනතාව රැකගන්න නොහැකි බවත් විපක්ෂ නායකවරයා පැවසීය.
සමාජය පුරා භීෂණය පැතිරිලා
සමාජයේ මහා භීෂණයක් පැතිරි ඇති මොහොතක ජනතාවගේ නිදහසට ප්රජාතන්ත්රවාදයට එල්ලවන අභියෝගවලට ජනාධිපතිවරයාට සහ ආණ්ඩුවට ඇති විසදුම් දැන ගැනීමට අවශ්ය බවත් විපක්ෂ නායක සජිත් ප්රේමදාස මහතා පැවසීය.
මාලිමාව කියන්නේ බොරුවෙන් වාර්තා තැබු රජයක්
වර්තමාන ආණ්ඩුව බොරුවෙන් වාර්තාපිට වාර්තා තබා ඇති බවත් ජනාධිපතිවරණයේදි මෙන්ම මහමැතිවරණයේ දීද බොරු කියා දැන් ගමත් ඉල්ලන බවත් සුබ නැකතින් රට අනුරට දීලා සෞභාග්යය සම්පන්න රටක් හදනවා කිව්වත් කිසිවක් නොකළ බවත් රාජ්ය සේවකයන්, රැකියා විරහිත උපාධිධාරීන්, ගොවියා, ධීවරයා ඇතුළු සමස්ත ජනතාවම රැවටූ බවත් විපක්ෂ නායකවරයා වැඩිදුරටත් පැවසීය.
