අද අප රටේ අපනයන ක්ෂේත්රය දැවැන්ත අභියෝග රැසකට මුහුණ දෙන මොහොතක ඒ සම්බන්ධයෙන් අදහස් ඉදිරිපත් කරන්න පාර්ලිමේන්තුවේ අවස්ථාව නොමැති බවත් අප්රේල් 9 වැනිදා වන විට ප්රතිචාරක බදු 44%ක් අප රටින් ඇමෙරිකාවට යන අපනයන වෙත පනවන්න යෝජිත බවත් මේ කරුණ ගැන මුළු ලෝකයම දැන ගෙන සිටියත් අපේ රජය ඒ ගැන නොදැන සිටීම පුදුමයට කරුණක් බවත් ට්රම්ප් ජනාධිපතිවරයාගේ මැතිවරණ වේදිකාවේ ප්රධානම මාතෘකාව වූයේ විශිෂ්ට අමෙරිකාවක් බිහි කිරීම බවත් ඒ යටතේ ඔහු මේ බදු පනවා ඇති බවත් විපක්ෂ නායකවරයා පැවසීය.Sri Lanka Latest News
ට්රම්ප් ජනාධිපතිවරයා ඔහුගේ ප්රතිපත්ති ප්රකාශයේ මේ සම්බන්ධයෙන් සදහන් කර තිබූ බවත් අප රටේ රජය ප්රතිපත්ති ප්රකාශ අමතක කළාට ඩොනල්ඩ් ට්රම්ප් තමාගේ ප්රතිපත්තිය ක්රියාත්මක කළ බවත් මේ බදු නිසා අප රටට බරපතල හානියක් වන නිසා මේ ගැන අවස්ථා ගණනාවකදී රජය දැනුවත් කළ අවස්ථාවේ දූත පිරිස් යැව්වා යැයි පිළිතුරු දුන්නත් මේ සම්බන්ධයෙන් අද ප්රශ්න කරන විට රජය නිරුත්තර වී ඇති බවත් මෙහි දී අනුගමනය කළ යුතු යෝග්ය උපක්රම ගැන පවා අදහස් ඉදිරිපත් කරන විට එදා මෙන්ම අදත් රජය බාධා කරමින් සිටින බවත් 44%ක් ප්රතිචාරක බදු වදිනවාට වඩා රජයට ස්ථාවර නියෝග පොත ලොකු වී ඇති බවත් මේ පොත උපයෝගී කර ගෙන බලහත්කාරයෙන් විපක්ෂයේ කටවල් වහන්න හදන බවත් විපක්ෂ නායකවරයා පැවසීය.
අප රටේ මුළු අපනයන ඇ. ඩොලර් බිලියන 12.7න් වැඩිම අපනයන ප්රමාණයක් එනම් 22.8%ක් යන්නේ අමෙරිකා එක්සත් ජනපදයට බවත් එය මිලියන 2911ක් බවත් මේ අපනයන අතරින් ඇගලුම් ක්ෂේත්රයෙන් විතරක් ඇ. ඩොලර් බිලියන 1885ක් එනම් 64%ක් ඇති බවත් ඒ අතර රබර් ඇ. ඩොලර් මිලියන 328ක්, පොල් ඇ. ඩොලර් මිලියන 73ක්, ඇක්ටිවේටඩ් කාබන් ඇ. ඩොලර් මිලියන 49, තේ ඇ. ඩොලර් මිලියන 48ක්, අයන් ඇ. ඩොලර් මිලියන 48ක් සහ කුරුදු ඇ.ඩො.මි. 29ක් ඇති බවත් ඇගලුම් අපනයනවලින් 38-40% අතර ප්රමාණයක් ඇමෙරික එක්සත් ජනපදයට යන බවත් මේ දත්ත ගැන රජයට අවබෝධයක් ඇත් ද කියා ගැටලුවක් ඇති බවත් විපක්ෂ නායක සජිත් ප්රේමදාස මහතා පැවසීය.
අගය මත එකතු කළ බදු සංශෝධන සම්බන්ධයෙන් පාර්ලිමේන්තුවේ පැවැති විවාදයේ දී විපක්ෂ නායක සජිත් ප්රේමදාස මහතා මේ බව පැවසීය.
ඇමරිකාවේ වෙළෙද ප්රතිපත්තියට යම් බලපෑමක් සෙනට් සහ නියෝජිත මන්ත්රී මණ්ඩලයට යම් බලපෑමක් කළ හැකි බවත් ඇමෙරිකානු ව්යවස්ථාවට අනුව මේ බලය පැවරී ඇති බවත් නීති සකස් කරන්න වෙළෙද ගිවිසුම් අනුමත කරන්න පවා හැකි බවත් ජනාධිපතිවරයාට ඒකපාර්ශ්වීයව බදු පනවන් හැකියාව තිබුණත් මොවුන්ට බලපැම් කළ හැකි නිසා ආණ්ඩුව මේ ගැන සොයා බැලිය යුතු බවත් සෙනට් එකේ සහ නියෝජිත මන්ත්රී මණ්ඩලයේ ශ්රී ලාංකේය නියෝජිතයන් සිටිනවාද කියා සොයා බැලිය යුතු බවත් විපක්ෂ නායකවරයා පෙන්වා දුන්නේය.
කඩිනමින් දූත කණ්ඩායමක් යවන්න
දූත කණ්ඩායම් යා යුත්තේ කාලවකවානුවකට නොව ප්රශ්න විසදන තුරු සාකච්ඡා පැවැත්විය යුතු බවත් මේ වන විට සෙනට් මණ්ඩලයේ රිපබ්ලිකන් පක්ෂය සහ ඩිමොක්රටික් පක්ෂය එකතු වී මේ වෙළෙද ප්රතිපත්තිය ගැන නව නීතියක් ගෙන ඒමට සූදානම් බවත් ඒ හරහා ජනාධිපතිවරයාට අත්තනෝමතිකව බදු පැනවීමේ අයිතිය කොංග්රස් එකේ අනුමැතියක් ලබා ගත යුතු බවත් එම නිසා මේ දූත කණ්ඩායම් මොවුන් සමග සාකච්ඡා කළ යුතු බවත් විපක්ෂ නායකවරයා වැඩිදුරටත් පැවසීය.
පසුගිය රජය ලකුණු ලබාගන්න 2033 ණය ගෙවන්න තිබූ අවස්ථාව 2028ට අඩු කළා
අප රටක් ලෙස රාජ්යතාන්ත්රික සබදතා ඔස්සේ භෞතිකව ඇමෙරිකානු නියෝජිතයන් හමුවිය යුතු බවත් ලියුම් යැවීම පමණක් ප්රමාණවත් නොවන බවත් 44%ක ප්රතිචාරක බදු පැනවීම අප රටේ අපනයන ක්ෂේත්රයට මරු පහරක් එල්ල වන බවත් සෑම ක්ෂේත්රයකටම බරපතල හානියක් සිදුවන බවත් මේ බදු නිසා කර්මාන්ත ක්ෂේත්ර කඩා වැටී රැකි රක්ෂා අහිමි වී ආදායම් අඩු වී ආර්ථිකය කඩා වැටී 2028 ණය ගෙවීම පවා අමාරු වන බවත් අයිඑම්එෆ් එක 2033 සිට ණය ගෙවන්න යෝජනා කළත් පසුගිය රජය ජනාධිපතිවරණයේ ලකුණු ලබා ගන්න එය 2028 සිට අඩු කර ඇති බවත් මේ සදහා ඉහළ ආර්ථික වර්ධන වේගයක් අවශ්ය බවත් විපක්ෂ නායකවරයා පෙන්වා දුන්නේය.
සර්ව පාක්ෂික සමුළුවක් වහාම කැදවන්න
ඉන්දියාව ඇගලුම් ක්ෂේත්රයට හා අනෙකුත් අපනයන ක්ෂේත්රයට පනවා ඇති සීමා ඉවත් කරන ලෙස තමා ඉන්දීය අගමැතිවරයා හමු වූ අවස්ථාවේ යෝජනා කළ බවත් පක්ෂ විපක්ෂ ජාති ආගම් කුලමල පන්ති තරාතිරම් භේදයකින් තොරව මේ සදහා මුහුණ දිය යුතු නිසා සියලුම පක්ෂ කැදවා පොදු වැඩපිළිවෙළක් සකස් කළ යුතු බවත් බරපතල ආර්ථික ව්යසනයක් නිර්මාණය වෙන්න පෙර එකමුතුභාවයෙන් යුක්තව මේ මොහොතේ පොදු ස්ථාවරත්වයක් මත කටයුතු කළ යුතු බවත් විපක්ෂ නායක සජිත් ප්රේමදාස මහතා වැඩිදුරටත් පැවසීය.
