ශ්රී ලංකාව බංකොලොත්භාවයෙන් මුදාගත් බව ජනාධිපති අනුර කුමාර දිසානායක මහතා ආඩම්බරයෙන් ප්රකාශ කළද, ඔහු සිදුකර ඇත්තේ ජාත්යන්තර ස්වෛරීත්ව බැඳුම්කර සමාගම් සමග හිටුප ජනාධිපති රනිල් වික්රමසිංහ මහතා ඇතිකරගත් ගිවිසුමේ කිසිදු වෙනසක් සිදු නොකර එය රටේ නිල එකඟතාව බවට පත්කර ගැනීම බව පෙරටුගාමී සමාජවාදී පක්ෂය පවසනවා. එම පක්ෂයේ අධ්යාපන ලේකම් පුබුදු ජයගොඩ මහතා ඒ සම්බන්ධයෙන් සම්මන්ත්රණයකදී දැක්වූ අදහස් පහත පළවේ. Sri Lanka Latest News
‘ගිනි පොලියට කෙටි කාලයකින් බේරන විදියට, ණය දීම තමන්ගේ බිස්නස් එක බවට පත්කරගත්ත මූල්ය ජාවාරම්කාර බූවල්ලන්ට තමයි අයි.එස්.බී. කියලා කියන්නේ. ලංකාව මුළු ඉතිහාසෙම 2014 වෙනතුරු කවදාවත් අයි.එස්.බී. අරන් නෑ. ලංකාවේ ඉස්සෙල්ලාම මේ මූල්ය බූවල්ලන්ගෙන් ණය ගන්න පටන් ගත්තේ 2014දී මහින්ද රාජපක්ෂ. මහින්ද රාජපක්ෂ ඩොලර් බිලියන 4ක් ණය අරන් තිබුණා මූල්ය බූවල්ලන්ගෙන්. පස්සේ ගෝඨාභය රාජපක්ෂගේ පාලන කාලය ඇතුළේ ඒ ටික පොලියත් එක්ක ගෙවලා තිබුණා. ඊට පස්සේ ණයවලින් අපිව බේරගන්න දේවදූතයා වගේ ආපු රනිල් වික්රමසිංහ තමයි වැඩිම ණය ප්රමාණය ගත්තේ. රනිල් වික්රමසිංහ ණයෙන් අපිව බේරගන්න ආපු දේවදූතයා නෙවෙයි. රනිල් වික්රමසිංහ තමයි ණය උගුලක ලංකාව හිරකරපු කල්ලියක ප්රධානියා. ප්රධාන යක්ෂයා. දේවදූතයා නෙවෙයි එයා යක්ෂයා. එයාගේ යහපාලන ආණ්ඩු කාලේ තමයි ඩොලර් බිලියන 12ක් අයි.එස්.බී. ණය ගත්තේ. ඒ ඩොලර් බිලියන 12 ගෙවාගන්න බැරුව තමයි අපි බංකොලොත් බව ප්රකාශයට පත්කළේ. ඒ ඩොලර් බිලියන 12ට පොලියත් එකතු වෙලා මේ වෙනකොට අපි ගෙවන්න තියෙනවා ඩොලර් බිලියන 16.7ක්. මෙන්න මේ ණය සම්බන්ධයෙන් තමයි ගිහිල්ලා සාකච්ඡා කළේ. ඒ සාකච්ඡාවලදී ලෝකේ හැම රටක්ම කොම්පැනිවලින් ණය අරගෙන, ඒ ණය ගෙවාගන්න බැරි විදියට බංකොලොත් වුණාට පස්සේ ගිහිල්ලා ණය කප්පාදුවක් ඉල්ලනවා.
මම පැහැදිලි කරන්නම් ඒ උගුල. උගුල විතරක් නෙවෙයි ජනාධිපතිතුමා එයාගේ කතාවෙදී කිව්වා 2024 දෙසැම්බර් 21 වැනිදා අනුස්මරණීය දවසක් කියලා. එයා කියන විදියට හැම අවුරුද්දේම දෙසැම්බර් 21 අපි කිරිබත් කන්න ඕනේ, රබන් ගහන්න ඕනේ. ලොකු ජයග්රහණයක් ලැබුවා කියලා කිව්වේ. එයා කිව්වා 2024 දෙසැම්බර් 21 විශාල ජයග්රහණයක් අපි ගත්තා, අපි බංකොලොත්භාවයෙන් මිදුනා කියලා. 2024 දෙසැම්බර් 21 වුණේ මොකක්ද? 2024 සැප්තැම්බර් මාසේ 19 වැනිදා රනිල් වික්රමසිංහ ජාත්යන්තර ස්වෛරීත්ව බැඳුම්කර සමාගම් එක්ක එකඟ වුණු එකඟතාව අකුරක්වත් වෙනස් නොකර එහෙමම රටේ නිල එකඟතාව බවට පත්වීමයි එදා සිදුවණේ. දැන් මේ විනාශය කළේ අනුර කුමාර දිසානායක කියලා තමයි ඉතිහාසයේ ලියැවෙන්නේ. රනිල් වික්රමසිංහ කියලා නෙවෙයි. ඔන්න බලන්න තව ටික දවසකින් රනිල් ඇවිල්ලා කියයි මේ විනාශකාරී ගිවිසුමට මම නෙවෙයි එකඟ වුණේ, අනුර තමයි ඒකට එකඟ වුණේ, මම ඒක කතා කර කර හිටියා තමයි, මම උප්පරවැට්ටියක් දැම්මේ, මම ඕක කරන්න නෙවෙයි හිටියේ, මම බොරුවට උන්ව රවට්ටන්න හිටියේ කියලා රනිල් ඇවිල්ලා කියයි. රනිල් ඇවිල්ලා ඕක කියනවාම තමයි. මේ පාපයට සම්පූර්ණයෙන් කර ගැහුවේ අනුර කුමාර දිසානායක. ප්රශ්නේ ඒ පාපයට ඒ සාපයට කරගහපු එක විතරක් නෙවෙයි. ඒක ගැන ආඩම්බරෙන් පාර්ලිමේන්තුවේ කතාකරන එක. අපිට කියනවා මේ විනාශය කරපු දවස හැම අවුරුද්දකම සමරන්න කියලා. එදාට කිරිබත් කන්න කියලා අපිට යෝජනා කරනවා.
මොකක්ද 2024 දෙසැම්බර් 21 වැනිදා වුණේ? අනුර දිසානායක විසින් නෛතික වශයෙන් බලාත්මක කරපු එකඟතාව මොකක්ද? ඒ එකඟතාව තමයි අපි කොම්පැනිවලට ණය වෙලා හිටියා, ඒ ණය අපිට ගෙවන්න බැරි නිසා ණය කප්පාදුවක් ඉල්ලන්න අපි ගියා. අපි ණය කප්පාදුවක් ඉල්ලන්න ගිහිල්ලා ලෝකෙ අඩුම ණය කප්පාදුව ගත්ත රට විදියට ඉතිහාසයේ නම ලියාගත්තා. ඓතිහාසික කතාව කියනවා නම්, ඉතිහාසයේ නම ලියාගත්තා මේ විදියට බංකොලොත් වුණාට පස්සේ අඩුම ණය කප්පාදුවක් ලැබුණු ලෝකේ එකම රට. ඉක්වදෝරයට ලැබුණා 67.7%ක ණය කප්පාදුවක්. ඒගොල්ලෝ ගත්ත මුළු ණයෙන් 67.7%ක් කපන්න ඒගොල්ලෝ එකඟතාව හදාගත්තා. සීෂෙල්ස් දිවයින බංකොලොත් වුණාට පස්සේ ඒගොල්ලන්ගේ මුළු ණයෙන් 56.2%ක් කපන්න එකඟතාව හදාගත්තා. ඊට පස්සේ අපේ අසල්වැසි අප්රිකානු රටක් වන ඝානාව අපිත් එක්කම එකට 2022 අප්රේල් මාසේ බංකොලොත් කියලා ප්රකාශයට පත්කරලා, අපිත් එක්ක එකටම ණය ප්රතිව්යුහගතකරණ සාකච්ඡාවලට ගිහිල්ලා ලංකාව ණය ප්රතිව්යුහගතකරණ සාකච්ඡාවල අතරමැදියෝ විදියට පාවිච්චි කරපු ක්ලිෆර්ඩ් චාන්ස් සහ ලසාඩ් කියන සමාගම් දෙකම අතරමැදියෝ ලෙස පාවිච්චි කරමින් අපි හා සමානම ණය බරක් කප්පාදු කිරීමට ගිය ඝානාව 37%ක ණය කප්පාදුවක් ගත්තා. ඔය අනුර ආඩම්බරෙන් කියන, රනිල් මැතිවරණ ප්රචාරක වැඩ ඉවර වුණාටත් පස්සේ ලංකාව බංකොලොත්භාවයෙන් මුදාගත්තා කියලා රතිඤ්ඤා දාපු ඒ ගිවිසුමට අනුව ලංකාවේ ණය 14%යි කැපෙන්නේ. ලෝකේ බංකොලොත් වෙච්ච රටක් ගත්ත අඩුම ණය කප්පාදුව තමයි මේ.’
