පසුගිය 21 වැනිදා වාරියපොළ මිනුවන්ගැටේ ප්රදේශයේදී කඩාවැටුණු පුහුණු ගුවන් යානය අනතුරට පත්වීමට පසුබිම් වූ හේතුව සෙවීමට ගුවන් හමුදාපති එයාර් මාර්ෂල් බන්දු එදිරිසිංහ මහතා පත්කළ හත්දෙනකුගෙන් යුත් පරීක්ෂණ කොමිසමේ වාර්තාව තවමත් භාරදී නැති හෙයින් අනතුර ගැන නිශ්චිත හේතු දැක්වීමක් කළ නොහැකි බව ගුවන් හමුදා මාධ්ය ප්රකාශක ගෲප් කැප්ටන් එරන්ද ගීගනගේ මහතා ‘මව්රට’ට පැවැසීය. Sri Lanka Latest News
කේ.8 වර්ගයේ චීනයේ නිෂ්පාදිත මෙම පුහුණු ගුවන් යානය 2005 වසරේ මෙරටට ගෙන ආ එකක් බවත්, පසුගිය වසරේ ශ්රී ලංකාවට පැමිණි අදාළ ගුවන් සමාගමේ ඉංජිනේරුවරුන් යළි මෙම ගුවන් යානය පරීක්ෂාවට භාජනය කර එය හොඳ තත්ත්වයෙන් පවතින බවට නිගමනය කර ඇත.
පුහුණු ගුවන් යානයක් ගුවන්ගත කිරීමට එය අදාළ ඉංජිනේරු පිරිස් විසින් පරීක්ෂාවට ලක්කර අනුමැතිය ලබාදෙන බවද කැප්ටන් ගීගනගේ මහතා සඳහන් කළේය.
මෙම ගුවන් යානා අනතුර ගුවන් නියමුවන්ගේ අත්වැරැදීමකින් සිදුවූ බවට පසුගියදා අමාත්ය බිමල් රත්නායක ප්රකාශ කිරීම ගැන මේ වනවිට මත දෙකක් ප්රකාශ වීම පිළිබඳ ආරක්ෂක ප්රධානීන්ගේද කතාබහට ලක්ව තිබේ.
ප්රේමලාල් විජේරත්න
