ජ්යෙෂ්ඨ පුරවැසියන්ට යහ ජීවිතයක් පවත්වාගැනීමට අවශ්ය වටපිටාව සලසා දීම සියලු දෙනාගේ සදාචාරාත්මක වගකීමක් වුවත් පසුගිය කාලයේ ජ්යෙෂ්ට පුරවැසියන්ගේ එකම ආදායම වූ ජ්යෙෂ්ඨ පුරවැසි ගිණුම් පොළිය කප්පාදුවට ලක් කිරීම නිසා තවත් අසරණ තත්ත්වයකට පත්වීමට ඔවුන්ට සිදුව ඇති බවත් බොහෝ පිරිසකට මේ නිසා වෛද්ය පහසුකම්, පෝෂ්යදායී ආහාරලබා ගැනීමට නොහැකිව අර්බුධ රැසකට මුහුණ දී ඇති බවත් එම නිසා මේ අයගේ මූලික ගැටලුවලට විසදුම් දීම කෙරෙහි රජයේ විශේෂ අවධානය යොමු විය යුතු බවත් විපක්ෂ නායකවරයා පැවසීය. Sri Lanka Latest News
විපක්ෂ නායක සජිත් ප්රේමදාස මහතා මේ බව කියා සිටියේ ජ්යෙෂ්ට පුරවැසියන්ගේ ගිනුම් සම්බන්ධයෙන් රජයෙන් 27 (2) යටතේ ප්රශ්න කරමිනි.
තමා කතා කරන්නේ අධිපොහොසතුන් හෝ ධනවතුන් ගැන නොව ජ්යෙෂ්ට පුරවැසියන් ගැන බවත් මේ ජ්යෙෂ්ට පුරවැසියන්ගේ තැන්පතු සදහා රදවා ගන්නා බදු ප්රතිශතය ගැනත් අයවැය මගින් රදවා ගැනීමේ බදු ප්රතිශතය ඉහළ නංවන්වේද කියා ප්රශ්න කර සිටි විපක්ෂ නායකවරයා කියා සිටියේ ජ්යෙෂ්ට පුරවැසියන් රදවා ගැනිමේ බදු අය කරන සීමා දැන ගැනීමට අවශ්ය බවයි.
එසේම අයකරනු ලබන රදවා ගැනීමේ බදු නැවත ජ්යෙෂ්ට පුරවැසියන්ට ලබා ගැනීමේ ක්රමවේදයක් පවතින්නේ නම් දැන ගැනීමට අවශ්ය බවත් මේ ක්රමවේදය තුළින් අඩු සාක්ෂරතාවක් ඇති ජ්යෙෂ්ට පුරවැසියන් අසරණ වන නිසා සරල ක්රමවේදයක් අනුගමනය කරන ලෙසත් විපක්ෂ නායකවරයා ඉල්ලා සිටියේය.
එමෙන්ම ළමා තැන්පතු සදහා ද රදවා ගැනීමේ බදු අය කරන්නේ නම් එම බදු නැවත ලබා ගත හැකි ක්රමවේදයත් ළමා තැන්පතු රදවා ගැනීමේ බදු වලින් නිදහස් කළ හැකි ද කියා රජයෙන් ප්රශ්න කර සිටි විපක්ෂ නායකවරයා කියා සිටියේ ජ්යෙෂ්ට පුරවැසියන් අද වන විට අති දුෂ්කර ජීවන ගමනක් යන බවයි.
පසුගිය යහපාලන ආණ්ඩුව මෙන්ම බොහෝ රජයන් ජ්යෙෂ්ට පුරවැසියන් වෙනුවෙන් 15%ක පොලියක් ලබා දුන්නත් පසුගිය රජය එය අවලංගු කළ බවත් මේ 15%ක තැන්පතු පොළිය අවම වශයෙන් ලක්ෂ 20කට අඩු තැන්පතු සදහා හෝ ක්රියාත්මක කරන ලෙසත් රාජ්ය ඔසු සැල් හරහා බෙහෙත් මිලදී ගැනීමට සහන ක්රමයක් සකස් කරන ලෙසත් විපක්ෂ නායකවරයා ඉල්ලා සිටියේය.
දැනට මේ වන විට පවතින ස්ථිර පොලි අනුපාතය 7.5%ක් බවත් රජය අමතර 3%ක් ලබා දෙන්න යෝජනා කර ඇති බවත් මෙය 15% විය යුතු බවත් බදු කාර්යක්ෂමතාව වැඩි කර ගත යුත්තේ අය කරන බදු වැඩි කිරීමෙන් නොව බදු නොගෙවන අය හසුකර ගෙන මෙන්ම කාර්යක්ෂම ක්රමවේද මගින් බවත් මේ ගැන රජයේ අවධානය යොමුවිය යුතු බවත් විපක්ෂ නායකවරයා පෙන්වා දුන්නේය.
