රැකියා විරහිත උපාධිධාරීන් අද පාර්ලිමේන්තුව අසළ පොල්දූව හන්දියේ දී දෙවැනි දිනටත් රැකියා ඉල්ලා රජයට බලකරමින් උද්ඝෝෂණයක නිරත වූ අතර එහි දී ඔවුන්ගේ ඉල්ලීම් සම්බන්ධයෙන් සොයා බැලීමට විපක්ෂ නායක සජිත් ප්රේමදාස මහතා එම ස්ථානයට පැමිණියේය.Sri Lanka Latest News
එහි දී රැකියා වරහිත උපාධිධාරීන් කියා සිටියේ වත්මන් රජය පසුගිය මැතිවරණ සමයේ රැකියා ලබා දෙන බව පැවසූ නමුත් මේ වන විට එම පොරොන්දු ඉටු නොකර තමන් ඇතුළු 40000කට ආසන්න රැකියා විරහිත උපාධිධාරීන් අතරමං කර ඇති බවයි. එහි දී විපක්ෂ නායක සජිත් ප්රේමදාස මහතා කියා සිටියේ මීට පෙර ද තමා මේ සම්බන්ධයෙන් අවස්ථා රැසක දී පාර්ලිමේන්තුව දැනුවත් කළත් රජයෙන් හෝ වගකිව යුතු පාර්ශ්වයන්ගෙන් පිළිතුරක් නොලැබුණු බවත්ය.
උපාධිධාරීන් ගැන ගැටලුවට අද උත්තරයක් දෙනවා කියා රජය දැනුවත් කර ඇති බවත් ඔවුන් දෙන උත්තරය කුමක්ද කියා බලන බවත් වත්මන් රජයේ හදුන්නෙත්ති ඇමතිවරයා මෙන්ම වත්මන් රජයේ ප්රතිපත්ති ප්රකාශය තුළ ද රැකියා විරහිත උපාධිධාරීන්ට රැකියා ලබා දෙන බව සදහන් බවත් පළමු අයවැයෙන්ම රැකියා දෙන බව පැවසුවත් තවමත් මේ සම්බන්ධයෙන් විසදුමක් නොමැති බවත් මීට පෙරත් අද හෙටත් රැකියා විරහිත උපාධිධාරීන් සමග තමා සිටි බවත් සාමකාමීව ප්රජාතන්ත්රවාදීව මේ සටන ඉදිරියට ගෙන යන ලෙසත් ඒ සදහා විපක්ෂ නායකවරයා ලෙස උපරිම සහයෝගය ලබා දෙන බවත් මෙහි දී විපක්ෂ නායකවරයා පැවසීය.
