‘අපි ජීවත් වෙන්නේ ප්රජාතන්ත්රවාදය අනතුරේ වැටෙන රටක. මැතිවරණ ප්රතික්ෂේප කරන්නන් හෝ දේශගුණික විපර්යාස ප්රතික්ෂේප කරන්නන් හෝ සිටින පරිසරයක. ඔව්, ඔබට දිනන්න අවශ්යයි. ඔවුන් පරාජය වෙනවාටද ඔබට අවශ්යයි. මම මේ පොත ලිව්වේ බොහෝ හේතු නිසා. ඉන් එකක් නම් අපට ක්රියාකාරී ප්රජාතන්ත්රවාදයක් තිබිය නොහැකි නිසා. අනෙක අපට ක්රියාකාරී නිදහස් මාධ්යයක් තිබිය නොහැකි නිසා. මිනිසුන් තමන්ගේ සද්භාවයෙන් තර්ක කිරීමට කැමැති නැතිනම් සහ නිත්ය කරුණු හා සත්යය සන්තකයේ තබාගෙන සිටින පුද්ගලයන්ට තර්කය වාචාල ලෙස ජය ගැනීමට නොහැකි නම් කියන කාරණාවන් දෙකක් නිසාද එහෙම සිදුවී තිබෙනවා. මිනිසුන් හුදෙක් කරුණු අන්ධ ලෙස පිළිගන්නේ නැත. ඔවුන් සත්යය අන්ධ ලෙස පිළිගන්නේද නැත. මම කියන්නේ නැහැ ඔබ සෑම තර්කයකින්ම දිනිය යුතුයි කියලා. එහෙත් ඔබට තර්කයක් දිනන්න අවශ්ය නම් ඔබ කළ යුතු දේ කුමක්දැයි හොඳින්ම අවබෝධ කරගන්නට ඕනෑ….’ Sri Lanka Latest News
කුමක්ද මෙම ‘තර්කය’ මිශ්ර කරගත් අපූරු කතන්දරය? පසුගියදා මෙම කතාව අසන්නට ලැබුණේ එක්සත් රාජධානියෙන් නොහොත් එංගලන්තයෙනි. එක්තරා සුවිශේෂ මිනිසකු විසින් කියා සිටින ඉහත වදන් යම් විෂයක් ආශ්රිතව ගොඩනැගී තිබිණි. ඔහු විසින් ලියා තබන ලද යම් ග්රන්ථයක් ඇසුරෙන් මෙම කතාන්දරය පාදක වී තිබිණි. ප්රථමයෙන් මෙම මිනිසා කවරෙක්දැයි සොයා බලමු. මොහු නමින් මෙහ්දි හසන්ය. මෙම නම ඇසූ සැණින් අපට එතරම් හුරුපුරුදු බවක් ඇති නොවුණත්, ඔහු ගැන ලෝකයේ බොහෝ පිරිසක් කරුණු දන්නේය. ජාත්යන්තර මාධ්ය ක්ෂේත්රයට අදාළව ඔහුගේ නාමය බොහෝ සෙයින් ප්රකටව ඇත. එනම් ජාත්යන්තර ප්රකට මාධ්ය සංවිධානයක් වන ‘අල් ජසීරා’ ආයතනයේ ප්රවීණ හා ප්රධාන මාධ්යවේදියකු ලෙස කටයුතු කරන මෙහ්දි හසන්ගේ නාමය පසුගියදා විශේෂයෙන්ම ශ්රී ලංකාව පුරා උච්ච ලෙස ඇසෙන්නට විය. එය කුමන හේතුවක් උදෙසාද? මෙයට දින කිහිපයකට ඉහතදී මුළුමහත් ලෝකයම මහත් ආන්දෝලනයකට පත්කරමින් සහ විශේෂයෙන්ම ශ්රී ලංකාවේ ජනතාවද දැඩි අවධානයකට ලක්කළ සිදුවීමක ඉදිරියෙන්ම සිටියේ ඔහුය. එම සිදුවීම නම් ශ්රී ලංකාවේ හිටපු ජනාධිපති රනිල් වික්රමසිංහ මහතා සමග අල් ජසීරා මාධ්ය ආයතනය සිදුකළ සුවිශේෂ මාධ්ය සාකච්ඡාවයි. ‘හෙඩ් ටු හෙඩ්’ යන සිරස්තලය යටතේ ඇති මෙම ජනමාධ්ය සාකච්ඡාව මෙහෙයවනු ලබන්නේ මෙහ්දි හසන් විසිනි. එහිදී ඔහු රනිල් වික්රමසිංහ මහතා සමග සිදුකළ පැයකට අධික වූ රූපවාහිනී සාකච්ඡාව යම් සුවිශේෂ කරුණු කිහිපයක් ආශ්රිත කරගෙන මේ වනවිට ලොව පුරා විශාල ආන්දෝලනයකට ලක්ව ඇත. මෙම සිදුවීම තවදුරටත් සොයා බලමු.
එම තොරතුරු සොයා බලන්නට ප්රථම අප මෙම කතාවේ ආරම්භය වෙත නැවත යමු. එනම් මෙහ්දි හසන් විසින් සිදුකළ ප්රකාශය ගොඩනැගුණේ කෙසේද? එය නම් ඔහු විසින් තාර්කික සහ විවාද කලාව ගැන ලියා තබන ලද විශේෂිත ග්රන්ථයකි. එම ග්රන්ථය Win Every Argument: The Art of Debating, Persuading, and Public Speaking ලෙසින් නම්කෙරී ඇති අතර, එහි සිංහල අරුත ලෙසින් ගත හැක්කේ ‘විවාද කිරීමේ, සියලු ඒත්තු ගැන්වීමේ සහ තර්ක ප්රසිද්ධියේ කතාකිරීමේ කලාව ජයගැනීම’ යන්නය. ඔහුගේ මෙම විශේෂිත ග්රන්ථය ප්රකාශයට පත්වීමෙන් පසුව ඔහු සමග තවත් මාධ්යවේදියකු සිදුකළ සංවාදයක් ඇසුරෙන් ඉහත අදහස් ප්රකාශ වී තිබිණි. එය තවදුරටත් සොයා බලමු.
‘මම හැම විටම ආඛ්යානය සහ කතාව ගැන උනන්දු වී සිටිමි. හැඟීම් සහ ප්රේක්ෂකයන් සමග චිත්තවේගීයව සම්බන්ධ වීම ගැන මම පොතේ බොහෝ දේ කතා කරමි. ඔබේ ප්රේක්ෂකයන් සමග සම්බන්ධ වීම පිළිබඳ පරිච්ඡේදයේදී කතාවක් ආරම්භ කිරීමේ වැදගත්කම ගැන මම කතා කරමි. ඒ වගේම මම පුනරාවර්තනයේ වැදගත්කම ගැනත් කතා කළෙමි. මම හැම විටම කතාව ගැන උනන්දු වුණා. නමුත් මම හිතන්නේ නැහැ මම මේ පොත ගැන පර්යේෂණ කරන්න පටන් අරන් මාස 18ක් වෙනකම් ඒක කොච්චර වැදගත්ද කියලා මට හරියට තේරුණේ නැහැ කියලා. වාචාලකම සහ කතාන්දර කීම පිටුපස ඇති විද්යාවට ගැඹුරට කිමිදීමට පටන්ගන්නා තෙක් මම දැන සිටියේ එවැනි දේවල් නොවේ. මම නිසැකවම එයට නැඹුරු වී සිටින බව ප්රත්යක්ෂයි….’
දැන් ඔබ මෙම කතාවේ යම් හැරවුම් ලක්ෂ්යයක් වෙත පැමිණ සිටින්නේය. ලෝකයේ විවිධ ජනාධිපතිවරුන්, අගමැතිවරුන් මෙන්ම තවත් විවිධ කීර්තිමත් ප්රකට පුද්ගලයන් සමග මාධ්ය සාකච්ඡාවන් රැසක් සිදුකර ඇති මෙහ්දි හසන් නමැති මාධ්යවේදියා, මේ වනවිට ලෝකය පුරා මහත් ප්රකටත්වයකට ලක්ව ඇත. ඔහු පසුගියදා හිටපු ජනාධිපති රනිල් වික්රමසිංහ සමගද සිදුකළ මාධ්ය සාකච්ඡාවද අතිශය ආන්දෝලනයකට ලක්විය. එය තර්ක විතර්ක රාශියක් මධ්යයේ සිදුකෙරුණු සාකච්ඡාවක් විය. මෙම සාකච්ඡාවේදී සමහර තොරතුරු අප මෙයට පෙර ලිපියකින් පළකර සිටියෙමු. කෙසේ වුවද යටකී සාකච්ඡාවේදී මාධ්යවේදියා විසින් අසනු ලැබූ සමහර ආන්දෝලනාත්මක ප්රශ්නවලට රනිල් වික්රමසිංහ හිටපු ජනාධිපතිවරයා කෝපයකින් පසුවූ බවටද කරුණු ප්රකාශ විය. ඔහු ප්රකාශ කර තිබුණේ තමන් සමග මෙහ්දි හසන් පැය දෙකකට ආසන්න කාලයක් මාධ්ය සාකච්ඡාව පැවැත්වුවත්, රූපවාහිනී විකාශය සිදුව ඇත්තේ පැයක පමණ කාලයකට බවය. මේ හෙයින් තමන් පැවැසූ සමහර කරුණු විකාශයෙහි අන්තර්ගත නොවූ බැව් රනිල් වික්රමසිංහ ප්රකාශ කර ඇත. ‘අල් ජසීරා’ ලෝ ප්රකට රූපවාහිනිය විකාශය කළ මෙම ‘හෙඩ් ටු හෙඩ්’ වැඩසටහන මගින් ඉහත මාධ්යවේදියා විසින් අසනු ලැබූ එක් ප්රබලතම ප්රශ්නයක් වූයේ හිටපු ජනාධිපතිවරයාට එරෙහිව චෝදනා නැගී තිබෙන ‘බටලන්ද වධකාගාරය’ අදාළ වූ ප්රශ්නයයි. මේ හෙයින් එම මාධ්ය සාකච්ඡාව ඉතා උද්වේගකර එකක්ද විය. මෙහිදී හිටපු ජනාධිපතිවරයා සිදුකළ තවත් ප්රබල චෝදනාවක් වූයේ එම වැඩසටහනට සහභාගි වූ සාකච්ඡා මණ්ඩලයේ තිදෙනාගෙන් දෙදෙනෙක්ම එල්.ටී.ටී.ඊ. ඩයස්පෝරාවට සම්බන්ධ බවයි.
කෙසේ හෝ මෙවැනි වටපිටාවක් ගතවෙමින් තිබියදී අප කතාවේ තවත් හැරවුම් ලක්ෂ්යයක් වෙත පැමිණ අත. එය කුමක්ද? ලෝකයේ බොහෝ ප්රකට පුද්ගලයන් සහ ජන නායකයන් සමග මෙසේ ආන්දෝලනාත්මක මාධ්ය රූපවාහිනී සාකච්ඡා පවත්වන මෙහ්දි හසන් නමැති මාධ්යවේදියා කවරෙක්දැයි හරියාකාරව සොයා බලමු.
දැනට 45 වැනි වියේ පසුවන මෙහ්දි හසන්, බි්රතාන්ය ජාතිකයෙකි. ඔහුට මහා බි්රතාන්යයේ පුරවැසිභාවයට අමතරව ඇමෙරිකාවේ පුරවැසිභාවයද හිමිව ඇත. ඉන්දියානු ෂියා මුස්ලිම් මවුපියන්ට දාව ඔහු උපත ලබා ඇත්තේ මහා බි්රතාන්යයේය. මහා බි්රතාන්යයේ (එංගලන්තයේ) කීර්තිමත් විශ්වවිද්යාලයක් වන ඔක්ස්ෆර්ඩ් විශ්වවිද්යාලයට අනුබද්ධිත ‘ක්රයිස්ච්චර්ච්’ විද්යාලයෙන් උසස් අධ්යාපනය ලබා ඔහු ආර්ථික විද්යා උපාධියක් හිමිකරගෙන ඇත. පසු කාලයකදී ඔහු මාධ්යකරණයට උනන්දු වී මාධ්යවේදියකු වශයෙන් මාධ්ය ආයතන කිහිපයකම කටයුතු කරන්නට ගත්තේය. බී.බී.සී. ගුවන්විදුලි සහ රූපවාහිනී සේවය, චැනල් ෆෝ රූපවාහිනී සේවය, The Huffington Post, The Guardian ආදී මාධ්ය ආයතනවල සේවය කළ ඔහු පසුව ලොව ප්රකටතම මාධ්ය සංවිධානයක් වන කටාර් රාජ්යයේ පිහිටා තිබෙන ‘අල් ජසීරා’ රූපවාහිනියට සේවය කරන්නට ගත්තේය. එහිදී ඔහු ලොව පුරා ඉතා ප්රකට මාධ්යවේදියකු බවට පත්වූයේ එම මාධ්ය ආයතනය මගින් නිෂ්පාදනය කළ ‘හෙඩ් ටු හෙඩ්’ රූපවාහිනී වැඩසටහන හරහාය. සිංහල බසින් ‘හිසට හිස’ යන අරුත ඇති මෙම වැඩසටහන ලොව මාධ්ය කලාව උඩුයටිකුරු කරන්නට සමත් වුණේය. මෙය හරහා මෙහ්දි හසන් ලොව ප්රකට පුද්ගලයන් සමග ආන්දෝලනාත්මක සාකච්ඡා පවත්වමින් තර්කානුකූල රූපවාහිනී කලාවක් අනුගමනය කළේය.
ප්රියන්ත හෙට්ටිගේ
