සමගි ජන බලවේගය ප්රධාන කාර්යාලයේ පැවැති මාධ්ය හමුවට සහභාගී වුයේ බියගම ආසනයේ සම සංවිධායක නිරෝෂා අතුකෝරාළ මහත්මියයි.Sri Lanka Latest News
ඒ මහත්මිය මෙසේ පැවසුවාය.
‘‘කාන්තාවක් විදිහට පාර්ලිමේන්තුවේ හැසිරීම සම්බන්ධයෙන් මම කණගාටුවට පත්වෙනවා. ජාතික ජන බලවේගය බලයට පත්වුණේ හැත්ත හය වසරක ක්රමය වෙනස් කරන්න. පාර්ලිමේන්තුවේ පැවැති මිරිස් කුඩු සම්ප්රදාය වෙනස් කරලා උත්තරීතර පාර්ලිමේන්තුවක් නිර්මාණය කරන බව තමයි ජාතික ජන බලවේගය මැතිවරණ වේදිකාවලදී දිගින් දිගටම ප්රකාශ කළේ.
නමුත් බලය ලබා ගත් පසු ජාතික ජන බලවේගය පාර්ලිමේන්තුව තුළ හැසිරෙන්නේ පරණ හිටපු පිරිස හැසිරුණ ආකාරයටමයි. උදාහරණයක් විදිහට රෝහිනී කවිරත්න පාර්ලිමේන්තු මන්ත්රීවරිය ඉලක්ක කරගෙන ආණ්ඩුව විවිධ චෝදනා එල්ල කරනවා. නලින් හේවගේ ඇමතිවරයා රෝහිනී කවිරත්න මහත්මිය ඉලක්ක කර ගනිමින් විවිධ චෝදනා එල්ල කර තිබුණා.
ඒ වගේම නියෝජ්ය ඇමතිවරයෙකු රෝහිනී කවිරත්න පාර්ලිමේන්තු මන්ත්රීවරියට ප්රකාශ කරලා තිබෙනවා එළියේදී අපි බලාගමුයි කියලා. ජනතා විමුක්ති පෙරමුණ අසූඅට අසූ නමය කාලයේදීත් එළියේදී තමයි බලා ගත්තේ. පාර්ලිමේන්තුවේ හිටපු මැති ඇමතිවරුන්ගේ ප්රශ්න ජනතා විමුක්ති පෙරමුණ විසඳුවේ මහ පාරේ දී. ඒ වගේ පාරේ විසඳගන්න ක්රමයක් ගැනද ආණ්ඩුවව රොහිණි මන්ත්රීවරියට ප්රකාශ කරන්නේ. ජනතා විමුක්ති පෙරමුණ අසූවට අසු නවයේ කරපු දේවල් නැවත සිදුකරන්නද මේ සූදානම් වෙන්නේ කියන සැකය අපි තුළ තිබෙනවා.
ඒ වගේම කාන්තා සන්සදය රෝහිනී කවිරත්න පාර්ලිමේන්තු මන්ත්රීවරියට වුණු අසාධාරණය සම්බන්ධයෙන් කිසිදු වචනයක් මේ වනතුරු කතා කරලා නැහැ. නමුත් ආණ්ඩු පක්ෂයේ මන්ත්රීවරියන් කිහිපදෙනෙක් මේ ප්රශ්නය පිළිබඳව කතාකරා. ඒ සම්බන්ධයෙන් අපි ස්තූතිවන්ත වෙනවා. නමුත් පසුගිය පාර්ලිමේන්තුවේදී කාන්තා පාර්ලිමේන්තු සංසදයේ සභාපතිනිය ලෙස සුදර්ශනී ප්රනාන්දු පුල්ලේ මහත්මිය කටයුතු කරන විට කුමන පක්ෂයක වුනත් කාන්තා පාර්ලිමේන්තු මන්ත්රීවරියකට අසාධාරණයක් වෙනවා නම් ඇය ඒ වෙනුවෙන් පෙනී සිටියා.
ඒවගේම මෙවර පාර්ලිමේන්තුවේ වැඩිම කාන්තා නියෝජනයකුත් අපිට දකින්න ලැබෙනවා. එවැනි තත්ත්වයක් තුළ රෝහිනී කවිරත්න පාර්ලිමේන්තු මන්ත්රීවරියට වුන අසාධාරණය සම්බන්ධයෙන් පාර්ලිමේන්තු මන්ත්රීවරියන්ගේ සංසදය කිසිදු ප්රකාශයක් සිදු කරන්න කටයුතු කළේ නැහැ. ඒ සම්බන්ධයෙන් අපි කණගාටුවට පත්වෙනවා.
ඒ වගේම සභා නායකවරයාගේ හැසිරීම අප්රසන්නයි. සභා නායකවරයා විපක්ෂ නායක සජිත් ප්රේමදාස මහතාට පාර්ලිමේන්තුව තුළ කතා කිරීමටවත් ඉඩක් ලබා දෙන්නේ නැහැ. සභා නායකවරයාගේ තිබෙන්නේ ඒකාධිපති හැසිරීමක්. කථානායකවරයත් හැසිරෙන්නේ ඒකාධිපති පාලකයකු ලෙසයි. ඒ වගේම අධිකරණ ඇමතිවරයා හිටපු ජනාධිපති රනිල් වික්රමසිංහ මහතා සම්බන්ධයෙන් කතා කරන ආකාරය පිළිබඳවත් මම කණගාටු වෙනවා. ඒවා සදාචාර සම්පන්න ක්රියා නෙවෙයි.
පසුගිය පාර්ලිමේන්තුවේ ආණ්ඩු පාර්ශ්වයේ පිරිසගේ වර්තමාන පාර්ලිමේන්තුවේ ආණ්ඩු පාර්ශ්වය නියෝජනය කරන පිරිසගේ කිසිදු වෙනසක් නැහැ. පාර්ලිමේන්තුවේ මිරිස් කුඩු ගහපු අය විදිහටම තමයි අද බිමල් රත්නායකත් පාර්ලිමේන්තුව තුළ හැසිරෙන්නේ.
ලංකාවේ තිබෙන ප්රධාන ප්රශ්නයක් තමයි ඩොලර් ප්රශ්නය. ලංකාවට ඩොලර් එවන පිරිසට අධික බදු මුදලක් අය කිරීම අසාධාරණ කටයුත්තක්. බදු අය කරන්න එපා කියලා අපි කියන්නේ නැහැ. නමුත් බදු අය කරන ක්රමයක් තිබෙනවා. රටට ඩොලර් එන මාර්ගයට බදු අය කරාම විදේශගතව සිටින ශ්රී ලාංකිකයන් රටට ඩොලර් එවීම සිදු කරන්නේ නැහැ. ආණ්ඩුවට මේ සම්බන්ධයෙන් නිවැරදි කියවීමක් නැහැ. ඒ වගේම අන්තර්ජාලයෙන් ව්යාපාර කරන පිරිසටත් බද්දක් අය කරන්න ආණ්ඩුව සූදානම් වෙනවා. ඒ වගේම youtube නාලිකා වලටත් මේ රජය බදු ගහන්න කටයුතු කරනවා. නමුත් වර්තමාන ආණ්ඩුව බලයට ගේන්න වැඩිම දායකත්වයක් ලබා දුන්නේ යූටියුබ් නාලිකායි. ඒ වගේම ඩොලර් රටට ගෙන එන ව්යාපාරිකයන්ටත් බදු ගහලා රටට එන ඩොලර් ප්රමාණයක් නැති කරන්න තමයි ආණ්ඩුව දැන් සැරසෙන්නේ. අන්තර්ජාලය මගින් ව්යාපාර සිදුකරන පිරිස් ප්රකාශ කරන්නේ ආණ්ඩුව කියන පරිදි බදු ගෙවන්න සිදුවුවහොත් අන්තර්ජාලය මගින් ව්යාපාර කරලා වැඩක් නැහැ කියලයි.‘‘
