දේශපාලන ක්ෂේත්රයේ පසමිතුරන් සේ සැලකෙන හිටපු ජනාධිපතිවරුන් වන රනිල් වික්රමසිංහ සහ මෛත්රීපාල සිරිසේන මහතා අතරත්, රනිල් වික්රමසිංහ මහතා සහ මහින්ද රාජපක්ෂ මහතා අතර සුහද හමු දෙකක් සිදුව තිබේ.
ඉන් එකක් වූයේ පවතින දේශපාලන තත්ත්වය සම්බන්ධයෙන් සාකච්ඡා කිරීම සදහා රනිල් වික්රමසිංහ මහතා සහ මෛත්රීපාල සිරිසේන මහතා ඇතුලු දේශපාලන නියෝජිතයන් එක්ව පැවැත්වූ සාකච්ඡාවකදීය.
මීට අමතරව හිටපු ජනාධිපතිවරුවන් වන මහින්ද රාජපක්ෂ මහතා සහ රනිල් වික්රමසිංහ මහතා අද (25) උමංදාව බෞද්ධ විශ්ව ගම්මානයේ පිංකම් මාලාවක් සඳහා සහභාගී වී තිබේ.
පූජ්ය සිරි සමන්තභද්ර ස්වාමීන් වහන්සේගේ පනස් වන ජන්ම දිනය නිමිත්තෙන් උමංදාව බෞද්ධ විශ්ව ගම්මානයේ මෙම පිංකම් මාලාවක් සංවිධානය කර තිබූ බව සඳහන් වේ.
මහා සංඝරත්නය වෙනුවෙන් සංඝගත දක්ෂිණාවක් පිරිනැමුණු අතර ද එම අවස්ථාවට තමන්ට සහභාගී වූ බව හිටපු ජනාධිපති මහින්ද රාජපක්ෂ මහතා සිය Facebook ගිණුමේ සටහනක් තබා තිබුණි.
මහින්ද රාජපක්ෂ එහි වැඩිදුරටත් සඳහන් කර තිබුණේ, ආසියාවේ විශාලතම උමං විහාරය මත වැඩ සිටින සති කිහිපයකට පෙර අභිනවයෙන් නිරාවරණය කරන ලද අප රටෙහි විශාලතම සැතපෙන බුද්ධ ප්රතිමා වහන්සේ මහත් බැති සිතින් වැඳපුදා ගත් බවය.
එමෙන්ම මෙම අවස්ථාවට හිටපු ජනාධිපති රනිල් වික්රමසිංහ මහතා ඇතුළු සම්භාවනීය අමුත්තන් පිරිසක් ද දායක කාරකාදීන් ද සහභාගී වී සිටි බව එම Facebook සටහනේ සඳහන් වේ.
1්ර
