හසලක 7 ඇල ප්රදේශයේ කුඩා පාසල් දරුවන් කිහිපදෙනෙකු සතුව තිබී ජීවඋණ්ඩ කිහිපයක් සොයාගෙන ඇත. Sri Lanka Latest News
මෙම දරුවන් කිහිපදෙනා ඊයේ (19) නිවෙස් අවට සෙල්ලම් කරමින් සිටින අතරවාරයේ දී ඉන් එක් දරුවෙකුට මෙම ජීවඋණ්ඩ හමුවී තිබේ.
ඉන් පසු එම දරුවා සිය මිතුරන් අතරේ එම ජීවඋණ්ඩ බෙදා දී ඇති බව පොලීසිය පවසයි.
එක් දරුවෙක් තමන්ට ලැබුණු ජීව උණ්ඩය නිවසට ගිය පසු ලිපට දමා ඇත.
එහිදී උණ්ඩය පුපුරා ගොස් ඇති අතර නිවෙස් හිමියන් ඒ සම්බන්ධව පොලීසියට දැනුම් දී තිබේ.
පසුව යුද හමුදාව, පොලීසිය සහ සොකෝ නිලධාරීන් පැමිණ පිපිරීම සිදු වූ නිවස පරීක්ෂා කර ඇති අතර එහිදී සිදුකළ ප්රශ්න කිරීම්වලදී ඉහත තොරතුරු අනාවරණය වී ඇත.
ඒ අනුව අනෙක් දරුවන්ගේ නිවාසද පරීක්ෂා කර බැලීමෙදී දරුවන් සතුව තිබී මෙම ජීවඋණ්ඩ සොයාගෙන ඇත.
පළමුවෙන්ම මෙම ජීවඋණ්ඩ හමු වූ දරුවාගෙන් සිදුකළ ප්රශ්න කිරීම්වලදී අනාවරණ වී ඇත්තේ එම දරුවාට එම උණ්ඩ හමු වී ඇත්තේ ඔවුන්ගේ නිවෙස් අසලම පිහිටි තවත් නිවස දර මඩුවක තිබියදී බවය.
දරුවන් සතුව තිබී ජීවඋණ්ඩ 30ක් පමණ සොයාගත් බව වාර්තා වේ.
මේ අතර හෙරොයින් ළඟ තබාගෙන සිටි පාසල් සිසුවියක් ඇල්පිටිය කොට්ඨාස දූෂණ මර්දන අංශයේ නිලධාරින් විසින් අම්බලන්ගොඩ කුරුඳුවත්ත ප්රදේශයේදි ඊයේ (19) සවස අත් අඩංගුවට ගත් බව ගාලු දිසාබාර නියෝජ්ය පොලිස්පති කාර්යාලය පවසයි.
මෙසේ අත් අඩංගුවට ගෙන ඇත්තේ අම්බලන්ගොඩ මහ විදුහලක 11 වසරේ ඉගෙනුම ලබන මෙවර අ.පො.ස.සාමාන්ය පෙළ විභාගයට පෙනි සිටින 17 හැවිරිදි සිසුවියකි.
පරික්ෂණවලදි අනාවරණයවි ඇති ආකාරයට මෙම සිසුවියගේ සහෝදරයකු හෙරොයින් ජාවාරම් කිරිම සම්බන්ධයෙන් බන්ධනාගාරගතව සිට මෙයට දින තුනකට පමණ පෙර පැමිණ ඇති බවයි.
ඔහු බන්ධනාගාරගතව සිටි කාලය තුල ඔහුගේ බිරිඳ විසින් හෙරොයින් ජාවාරම සිදුකරගෙන ගොස් ඇති අතර ඇයට කුඩා දරුවෙකු සිටින බැවින් හෙරොයින් ගැණුම්කරුවන් වෙත ගෙන යාමට නොහැකි අවස්ථාවල මෙම සිසුවිය මගින් ගැනුම්කරුවන් වෙත යවා මුදල් ගෙන්වාගෙන ඇති බවද අනාවරණයවි ඇතැයි පොලිසිය පවසයි.
