ජවිපෙ 2වැනි කැරලි සමය පිළිබඳව ජ්යෙෂ්ඨ මාධ්යවේදී ධර්මන් වික්රමරත්න විසින් රචිත ‘කොම්රේඩ් ලයනල්” කෘතියේ නවතම මුද්රණය පෙබරවාරි 15 වනදා පස්වරු 3ට කොළඹ නව නගර ශාලාවේදී පැවැත්වෙන විජය කුමාරතුංග 37වැනි ගුණානුස්මරණ උත්සවයට සමගාමීව නිකුත් වේ.Sri Lanka Latest News
මෙම ග්රන්ථයට පාදක වන්නේ ජාතික විමුක්ති අරගලයකින් සමාජවාදය උදාකරලීමේ ජවිපෙ උපායමාර්ගික ගමන්මඟ අනුව එය ක්රියාවට නඟමින් විජය කුමාරතුංග, කොළඹ සරසවි උප කුලපති මහාචාර්ය ස්ටැන්ලි විජේසුන්දර, එජාප මහ ලේකම් නන්දලාල් ප්රනාන්දු, රහස් පොලිස් අධ්යක්ෂ ටෙරන්ස් පෙරේරා ඇතුළු 41ක් ජවිපෙ 2වැනි කැරැල්ලේදී ඝාතනයට ලක්කළ ලයනල් රණසිංහගේ කථාවය. පිටු 432කින් යුත් ග්රන්ථයට ඡායාරූප 86ක් ඇතුළත්ව තිබේ.
කුරුවිට ඉපිද හොරණ ජීවත්වූ ලයනල් රණසිංහ වෘත්තියෙන් රටකජු වෙළෙන්දෙකු වූ අතර පසුව පූර්ණකාලීන දේශපාලන ක්රියාධරයෙකු විය. ලයනල් රණසිංහ උපන් සහ ජීවත්වූ නිවෙස්වලටද ඔහුගේ හිතවතුන් පමණක් නොව ලයනල් අත්අඩංගුවට ගත් සහ එම සිද්ධීන්වලට දායකවූ පොලිස් නිලධාරින්ද සොයාගිය ග්රන්ථයේ කතුවරයා ලයනල් රණසිංහ විසින් ඝාතනය කරන ලද 41න් වැඩි පිරිසකගේ නිවෙස්වලට ගොස් එම පවුල්වල අයද හමුවීමෙන් පසු ‘කොම්රේඩ් ලයනල්’ ග්රන්ථය සම්පාදනය කර ඇත.
මෙය ධර්මන් වික්රමරත්නගේ 54වන කෘතියයි.
