පළාත් පාලන ඡන්ද විමසීම විශේෂ විධිවිධාන පනත් කෙටුම්පත පිළිබඳ ශ්රේෂ්ඨාධිකරණ තීන්දුව තවමත් තමා වෙත ලැබී නොමැති බව කථානායකවරයා අද (05) පාර්ලිමේන්තුවේ දී ප්රකාශ කළේය. Sri Lanka Latest News
විපක්ෂ නායක සජිත් ප්රේමදාස මහතා පාර්ලිමේන්තුවේ දී ඉදිරිපත් කළ පැනයකට පිළිතුරු දෙමින් කථානායකවරයා මේ බව පැවසීය.
පළාත් පාලන ඡන්ද විමසීම විශේෂ විවිධාන පළාත් කෙටුම්පතේ ඇතැම් වගන්ති ආණ්ඩුක්රම ව්යවස්ථාවට පටහැනි බවට තීන්දු කරන ලෙස ඉල්ලා ගොනුකර තිබෙන පෙත්සම් පිළිබඳ විභාගය අවසන් කළ ශ්රේෂ්ඨාධිකරණය එහි රහසිගත තීන්දුව ජනාධිපතිවරයාට සහ පාර්ලිමේන්තුවේ කථානායකවරයාට යොමු කරන බව පසුගිය 27 වනදා නිවේදනය කළේය.
පළාත් පාලන ඡන්දයට අදාළ ශ්රේෂ්ඨාධිකරණ තීන්දුව පාර්ලිමේන්තුවේ කතානායකවරයාට ලැබී ඇති බවත් එය පාර්ලිමේන්තුවට ප්රකාශයට පත් කළ විට අප්රේල් මාසයේ ඡන්දය පවත්වන බවත් පළාත් පාලන මැතිවරණයෙන් පසුව ඡන්ද ක්රමයට අදාළ සංශෝධන සහිතව පළාත් සභා මැතිවරණය පවත්වන බවත් කැබිනට් ප්රකාශක, පාර්ලිමේන්තුවේ ආණ්ඩුවේ ප්රධාන සංවිධායක අමාත්ය නලින්ද ජයතිස්ස මහතා පසුගිය ජනවාරි 28 වැනි දා රජයේ ප්රවෘත්ති දෙපාර්තමේන්තුවේ පැවැති මාධ්ය හමුවකදී පැවසීය.
එසේ වුවත් පාර්ලිමේන්තුවේ කතානායකවරයා මෙය තමාට නොලැබුණු බවට පාර්ලිමේන්තුවේ ප්රකාශ කර ඇත.
‘ශේෂ්ඨාධිකරණය යම් කිසි කෙටුම්පතක් පිළිබද විභාග කර තීන්දුවකට එළැඹ එම තීන්දුව එවන්නේ කතානායකවරයාට. ඒ ගැන සභාව දැනුවත් කිරීම කතානායකවරයාගේ වගකීම යි. එය සභාව දැනුවත් නොකිරීම නිසා කතානායකවරයාගේ සහ පාර්ලිමේන්තුවේ 225 වරප්රසාද උල්ලංඝනය කර තිබෙනවා. මේ තීන්දුව සභාවේ නොකියන්නේ ඇයි ද කියා ප්රශ්ණයක් තිබෙනව. මාධ්යයේ පවා මේවා ප්රචාරය වුණා.’ යැයි විපක්ෂ නායකවරයා පැවසීය.
එහි දී ද කතානායකවරයා කියා සිටියේ මෙම වාර්තාව තමාට නොලැබ ඇති බවයි. මේ සම්බන්ධයෙන් විපක්ෂයේ පාර්ලිමේන්තු මන්ත්රීවරුන් වන ගයන්ත කරුණාතිලක සහ දයාසිරි ජයසේකර යන මහත්වරු ද කතානායකවරයාගෙන් ප්රශ්න කර සිටියදී කතානායකවරයා දිගින් දිගටම කියා සිටියේ එවැනි ලේඛනයක් තමාට නොලැබ ඇති බවයි.
