ලංකාවේ මාසික උද්ධමනය පසුගිය කාලය පුරා සාපේක්ෂ වශයෙන් ඍණ අගයක් වාර්තා වන බව ජන හා සංඛ්යාලේඛන දෙපාර්තමේන්තුව විසින් ඉදිරිපත් කරන ලද වාර්තා අනුව පැහැදිලි වන බව පේරාදෙණිය විශ්වවිද්යාලයේ මානව ශාස්ත්ර සහ සංඛ්යාන විද්යා අංශයේ අධ්යක්ෂ මහාචාර්ය වසන්ත අතුකෝරල මහතා පැවැසීය. Sri Lanka Latest News
2022 වසර තුළ රටේ උද්ධමනය 52%කින් පමණ වර්ධනය වූ අතර, 2023 වසර තුළ එහි වර්ධනය සිදුව ඇත්තේ 6%කින් පමණි.
කෙසේ වුවද 2024 වසර තුළ උද්ධමනය 5%කින් පමණ පහළ ගොස් ඇති බව දැකගත හැකිය.
2024 මාර්තු මාසය තුළ මාසික උද්ධමනය -1.9ක් වූ අතර, අප්රේල් මාසයේදී -0.8ක් ලෙසත්, මැයි මාසයේදී -0.06ක් ලෙසත් වාර්තා විය.
ජුනි මාසය තුළ 0.08ක් ලෙස ධන අගයක පැවැති එය, ජූලි මාසයේ සිට නොවැම්බර් මාසය දක්වා මාස 5ක් පමණ සෑම මසකම ඍණ අගයක් වාර්තා කරන ලදී.
කෙසේ වුවද 2024 නොවැම්බර් මාසය තුළ කොළඹ පාරිභෝගික මිල දර්ශකය අනුව මාසික උද්ධමනය 1.02%ක් ලෙස ධන අගයක් වාර්තා කරන ලදී.
ජාතික පාරිභෝගික මිල දර්ශකය අනුව සලකා බලන විටද මාසික උද්ධමන අනුපාතිකය 2024 මාස 08ක පමණ ඍණ අගයක් වාර්තා කොට ඇත.
ඒ අනුව පැහැදිලි වන්නේ රටේ භාණ්ඩ හා සේවාවල මිල ගණන් ආර්ථික වශයෙන් ක්රමයෙන් පහළ යන බවයි.
කෙසේ වුවද මෙම පහළ යෑම ඉතා සුළු වශයෙන් සිදුවන බැවින් එය ජනතාවගේ ජීවන වියදම සැලකිය යුතු මට්ටමකින් පහත හෙළීමට හේතුවී නොමැති බවයි සඳහන් වන්නේ.
එමෙන්ම අත්යාවශ්ය භාණ්ඩ බොහොමයක මිල ගණන් පහළ යෑමක් පෙන්නුම් නොකරන බැවින් අඩු ආදායම්ලාභී පවුල් තවමත් දැඩි අසීරුතාවකින් සිටින බවද මහාචාර්යවරයා පෙන්වා දුන්නේය.
ප්රේමලාල් විජේරත්න
