අමාත්ය වසන්ත සමරසිංහ මහතා රේන්ජ් රෝවර් වාහනයක් භාවිත කරන බව චාමර සම්පත් දසනායක මහතා ප්රකාශ කළේය.Sri Lanka Latest News
ඒ මහතා කියා සිටියේ තවත් මාලිමා මන්ත්රීවරයෙක් සංචාරක අමාත්යංශයේ වාහනයකින් පූනාගල වත්තේ වල් අදින බවකි.
ඊට අදාළ ඡායාරූපයක්ද මන්ත්රීවරයා සභාගත කළේය.
අද (23) පාර්ලිමේන්තුවේ දී වත්මන් ආණ්ඩුවේ මන්ත්රීවරුන්ට ලබාදුන් වාහන සංඛ්යාව පිළිබඳ ප්රශ්නයක් යොමු කළ අතර එයට අග්රාමාත්ය ආචාර්ය හරිනි අමරසූරිය ලබාදුන් පිළිතුරට ප්රතිචාර දක්වමින් මන්ත්රීවරයා මෙම අදහස් පළ කළේය.
අදාළ ප්රශ්නයට පිළිතුරු ලබාදෙමින් අග්රාමාත්යවරිය පවසා සිටියේ 10 පාර්ලිමේන්තුවේ මන්ත්රීවරුන්ට වාහන ලබාදීමක් සිදුකරන නොමැති බවය.
එහෙත් විශේෂ අවශ්යතාවයක් ලෙස සලකා පාර්ලිමේන්තු මන්ත්රී සුගත් වසන්ත ද සිල්වා මහතාට KR – 5844 යන අංකය දරණ මෝටර් රථය ජනාධිපති කාර්යාලය මඟින් ලබාදී ඇති බවත් අගමැතිනිය පැවසුවාය.
එහෙත් එම වාහනය සඳහා රියදුරෙක් ලබාදී නොමැති බවත් ජනාධිපති ලේකම් කාර්යාලය විසින් ඉන්ධන ලබාදීමක් ද සිදුකර නොමැති බව අගමැතිනිය අදාළ ප්රශ්නයට පිළිතුරු දෙමින් කියා සිටියාය.
“වාහන මාදිවෙල තියෙනවා. කැබ් පදිනවා. ඔබතුමිය කියනවා වගකීමෙන් දීලා නෑ කියලා. මම ඒක පිළිගන්නවා. අද රේන්ජ් රෝවර් මාදිවෙල ගෙවල් අස්සේ තියෙනවා. මේ පාර්ලිමේන්තුවේ ඇමතිවරයෙක් පදිනවා. ඒකට වියදම වී8 එකට වඩා වැඩියි. නම කියන්න ද ? වසන්ත සමරසිංහ.
සමාජ මාධ්යයේ ගිය මෙන්න මේ වාහනේ සංචාරක අමාත්යාංශයේ ලේකම් යටතේ ලියාපදිංචි කරලා තියෙන්නේ. මේක පාර්ලිමේන්තු මන්ත්රී කෙනෙක්ගේ. නම කියන්නේ නෑ. වල් අදිනවා. බණ්ඩාර වෙල පූනාගල වත්තේ වල් අදිනවා.”
