මහ මැතිවරණය පැවැත්වීමේ දිනය සම්බන්ධයෙන් මේ සතියේදී තීරණයක් ගන්නා බවත්, මැතිවරණය සඳහා ඉදිරිපත් වන අපේක්ෂකයින්ගේ මනාප අංක සම්බන්ධයෙන් හෙට දිනයේදී ගැසට් නිවේදනයක් මගින් ප්රකාශයට පත් කරනු ලබන බවත් මැතිවරණ කොමිසමේ සභාපති මහින්ද දේශප්රිය ප්රකාශ කළේය.
මැතිවරණය සම්බන්ධයෙන් සෞඛ්ය අමාත්යාංශ විසින් නිකුත් කර ඇති සෞඛ්ය මාර්ගෝපදේශ නීතිගත කරන ලෙසට එහි අධ්යක්ෂක ජනරාල් විශේෂ වෛද්ය අනිල් ජාසිංහ ගෙන් ඉල්ලා සිටින බව මෙහිදී මැතිවරණ කොමිසමේ සභාපතිවරයා කියා සිටියේය.
මෙවර මැතිවරණයට රුපියල් කෝටි 700ක් පමණ වැය වෙනු ඇති බවට පෙර ඇස්තමේන්තු කර තිබුණත් වර්ථමානයේ පවතින කෝවිඩ් 19 වසංගතය හේතුවෙන් එය කෝටි 900ක් පමණ ඉහළ යනු ඇති බවට අපේක්ෂා කරන බව ද කොමිසමේ සභාපතිවරයා කියා සිටියේය.
