ලංකාවේ මේ වනවිට ඒකපුද්ගල ණය ප්රමාණය ඒකපුද්ගල ආදායමද ඉක්මවා ගොස් ඇති බව පේරාදෙණිය විශ්වවිද්යාලයේ මානව ශාස්ත්ර සහ සංඛ්යාන විද්යා අංශයේ අධ්යක්ෂ, මහාචාර්ය වසන්ත අතුකෝරල මහතා පැවැසීය. (Sri Lanka Latest News)
2020 දක්වා කාලය තුළදී ලංකාවේ ඒකපුද්ගල ආදායම, ඒකපුද්ගල ණය ප්රමාණය සෑම වසරකම ඉක්මවා පැවැතිණි.
එහෙත් 2021න් පසුව ලංකාවේ ප්රථම වතාවට ඒකපුද්ගල ණය ප්රමාණය ඒකපුද්ගල ආදායමත් ඉක්මවා පෙන්වයි. එනම් 2021දී ඒකපුද්ගල ආදායම රුපියල් 7,94,926ක් වූ අතර, ඒකපුද්ගල ණය ප්රමාණය 7,95,007ක් ලෙස වාර්තා විය.
2022දී ඒකපුද්ගල ආදායම රුපියල් 10,84,882ක් ලෙස වාර්තා වන අතර, ඒකපුද්ගල ණය ප්රමාණය 12,39,441ක් ලෙස වාර්තා වේ.
2023දී ඒකපුද්ගල ආදායම රුපියල් 12,53,785ක් ලෙස වාර්තා වන අතර, ඒකපුද්ගල ණය ප්රමාණය 13,02,171ක් ලෙස වාර්තා වේ.
මේ අනුව පැහැදිලි වන්නේ 2020න් පසුව සෑම වසරකදීම ලංකාවේ ඒකපුද්ගල ආදායමට වඩා ඒකපුද්ගල ණය ප්රමාණය ඉහළ මට්ටමක පැවැති බවයි.
ආර්ථිකමය වශයෙන් ගත්විට මෙය සුබවාදී තත්ත්වයක් නොවන බවද මහාචාර්යවරයා පෙන්වා දුන්නේය.
ප්රේමලාල් විජේරත්න
