පසුගිය වසර දෙකට ලංකාවේ ජනගහනය 2,64,950කින් පහළ වැටී ඇති බව ජන හා සංඛ්යාලේඛන දෙපාර්තමේන්තුව නිකුත් කළ දත්ත අනුව පැහැදිලි වන බව පේරාදෙණිය විශ්වවිද්යාලයේ මානව ශාස්ත්ර සහ සංඛ්යාන විද්යා අංශයේ අධ්යක්ෂ, මහාචාර්ය වසන්ත අතුකෝරල මහතා පැවැසීය. (Sri Lanka Latest News)
ලංකාවේ මධ්ය වාර්ෂික ජනගහනය 2021 – 2022 වසර දක්වා කාලය බලන විට මිලියන 22.181 ලෙස පැවැති අතර, ලංකා ඉතිහාසය තුළ වැඩිම ජනගහනයක් වාර්තා වන්නේ 2021-2022 වසර තුළදීය.
2022 ජූලි සිට 2023 ජූලි දක්වා කාලයේදී වාර්ෂික ජනගහනය මිලියන 22.37කින්, 1,44,395කින් පහළ ගොස් ඇත.
තවද 2023 ජුනි සිට 2024 ජුනි අතර කාලය තුළ රටේ මධ්ය වාර්ෂික ජනගහනය මිලියන 21.916 දක්වා තවදුරටත් පහළ ගොස් ඇත.
එනම් පෙර වසරට සාපේක්ෂව සලකා බලන විට රටේ ජනගහනය 1,20,055කින් පමණ පහළ යෑමක් මේ කාලයේදී සිදුව ඇත.
රටේ ජනගහන වර්ධනය මේ වනවිට -0.7කට ආසන්න අගයක පවතී.
ජනගහනය මෙසේ පහළ යෑමට හේතුවී ඇත්තේ ස්වභාවික උපත් අනුපාතය වේගයෙන් පහළ යෑමත්, ශුද්ධ සංක්රමණ වේගයෙන් ඉහළ යෑමත්ය.
ප්රේමලාල් විජේරත්න
