ඉන්දියාවේ හිටපු අග්රාමාත්යවරයෙකු වන මන්මෝහන් සිං මහතා අභාවප්රාප්ත වූ බව විදෙස් මාධ්ය වාර්තා කරයි.Sri Lanka Latest News
1932 වසරේ වත්මන් පාකිස්තානයට අයත් කොටසක් වන පංජාබ්හිදී උපත ලැබූ ඒ මහතා මිය යන විට වයස අවුරුදු 92ක් විය.
ඉන්දියාවේ 13 වැනි අග්රාමාත්යවරයා වන මන්මෝහන් සිං මහතා දෙවරක් ඉන්දීය අගමැති ලෙසින් කටයුතු කර ඇත.
ප්රකට ආර්ථික විශේෂඥයෙක් වන ඔහු, ඉන්දීය ආර්ථික ප්රතිසංස්කරණ ක්රියාවලියේ ප්රමුඛයෙක් ලෙස ද සැලකෙයි.
පන්ජාබ් විශ්වවිද්යාලයෙන් සිය මූලික උපාධිය ලබාගත් මන්මෝහන් අනතුරුව එංගලන්තයේ කේම්බ්රිජ් සහ ඔක්ස්ෆර්ඩ් විශ්වවිද්යාලවල අධ්යාපනය ලැබීය.
සිය අධ්යාපන කටයුතුවලින් අනතුරුව ඔහු ඉන්දීය සිවිල් සේවයට එක්වී තිබුණි.
ඔහු එරට මහබැංකු අධිපති ලෙසද කටයුතු කර ඇත.
1991 වසරේදී ඉන්දීය ආර්ථිකය කඩාගෙන වැටුණු අතර එය ගොඩනැගීමේ වගකීම පැවරුණේ මන්මෝහන් ටය.
ඒ අනුව එරට මුදල් අමාත්යවරයා ලෙස පත්වූ ඔහු ඉන්දීය ආර්ථිකය ක්රමයෙන් යථා තත්ත්වයට පත්කළේය.
අද ලෝක ආර්ථිකයේ දැවැන්තයෙක්වන ඉන්දියාව ට ඒ සඳහා මග පෙන්වූවේ ඔහු බව බොහෝ දෙනා පවසති.
මන්මෝහන් සිං මහතා, 2004 වසරේ සිට 2014 දක්වා එරට අග්රාමාත්යවරයා ලෙස කටයුතු කළේය.
ඊට පෙර ඔහු ඉන්දියාවේ මුදල් අමාත්යවරයා ලෙසද කටයුතු කර තිබුණි.
ඔහු 2004 වසරේදී ඉන්දියාවේ අග්රාමාත්යවරයා වශයෙන් පත් වී තිබුණේ, සෝනියා ගාන්ධි එම තනතුර භාරගැනීම ප්රතික්ෂේප කළ බැවිනි.
මන්මෝහන් සිං මහතා මිය යනවිට නවදිල්ලියේ රෝහලක ප්රතිකාර ලබමින් සිටි බව වාර්තා විය.
