යාපනය දිස්ත්රික් ස්වාධීන කණ්ඩායමේ පාර්ලිමේන්තු මන්ත්රී රාමනාදන් අර්චුනාගේ පාර්ලිමේන්තු මන්ත්රී ධුරය බල රහිත කිරීමේ රිට් ආඥාවක් නිකුත් කරන ලෙස ඉල්ලා ගොනු කළ පෙත්සමක් සලකා බැලීමට ලෙස අභියාචනාධිකරණය අද නියම කළා. Sri Lanka Latest News
අභිනව නිවහල් පෙරමුණේ සභාපති ඔෂල හේරත් විසින් මෙම පෙත්සම ඉදිරිපත් කර තිබුණා. එම පෙත්සම අද සෝභිත රාජකරුණා සහ මහේන් ගොපල්ලව යන මහත්වරුන්ගෙන් සමන්විත අභියාචනාධීකරණ විනිසුරු මඩුල්ල ඉදිරියේ කැඳවනු ලැබුවා.
විනිසුරු මඩුල්ල නියෝග කළේ, අදාල පෙත්සම කරුණු තහවුරු කිරීම සඳහා ජනවාරි මස 15 වනදා කැඳවන ලෙසයි.
පෙත්සම්කරු කියා සිටින්නේ පාර්ලිමේන්තු මන්ත්රී රාමනාදන් අර්චුන ඉකුත් මහ මැතිවරණයේදී නාමයෝජනා භාරදී තිබෙන්නේ රජයේ වෛද්යවරයෙකු වශයෙන් කටයුතු කරමින් බවයි. රජයේ සේවයෙන් ඉවත් නොවී එලෙස නාමයෝජනා භාරදීම නීති විරෝධී යැයි පෙන්වා දෙන පෙත්සම්කරු එය මැතිවරණ පනතේ විධි විධානයන්ට පටහැනි බවත් සඳහන් කළා. ආණ්ඩුක්රම ව්යවස්ථාව යටතේ වග උත්තරකාර මන්ත්රීවරයාට පාර්ලිමේන්තුවේ මන්ත්රී ධුරයක් දැරීමට සුදුසුකම් නොමැති බවට තීන්දු කර එම මන්ත්රී ධුරය බල රහිත කිරීමේ ආඥාවක් නිකුත් කරන ලෙස ඉල්ලා මෙම පෙත්සම ඉදිරිපත් කර තිබෙනවා.
