රජයේ පාසල්වල දැනට ගුරුවරුන් ලෙස සේවයේ නියුක්තව සිටින සංවර්ධන නිලධාරීන් ගුරු සේවයට අන්තර්ග්රහණය කරන ලෙස ඉල්ලා ඉසුරුපාය අධ්යාපන අමාත්යාංශය ඉදිරිපිට පැවැති උද්ඝෝෂණය අතරතුර පොලිස් නිලධාරීන් කපා තුවාල කළ ප්රදාන සැකකරු හඳුනාගැනීමට පොලිසිය සමත්ව ඇත. (Sri Lanka Latest News)
එම පුද්ගලයා උද්ඝෝෂණයට සම්බන්ධව සිටි සංවර්ධණ නිලධාරියකු බවත්, පොලිස් ජීප් රථයක් ඉදිරිපිට බිම දිගාවී කලහකාරී ලෙස හැසිරෙන්නේ ඔහු බවත් විමර්ශන භාර උසස් පොලිස් නිලදාරියෙක් සඳහන් කළේය. මේ වනවිට එම පුද්ගලයා පොලිසිය මගහැර සිටින බැවින් ඉදිරියේදී ඔහුගේ ඡායාරූප මාධ්ය වෙත නිකුත් කිරීමට පියවර ගන්නා බවත් එම නිලධාරියා පැවැසීය.
පාසල් සඳහා අනුයුක්ත කර ඇති සංවර්ධණ නිලධාරීන් පැලවත්ත ඉසුරුපාය අධ්යාපන අමාත්යාංශය ඉදිරිපිටදී තමන්ව රජයේ පාසල්වල ගුරුවරුන් ලෙස අන්තර්ග්රහණය කරන ලෙස ඉල්ලමින් උද්ඝෝෂණයේ නිරත වන්නේ පසුගිය 02 වැනිදාය. සාමකාමීව පැවැති එම උද්ඝෝෂණය පසුව නොසන්සුන් තත්ත්වයක් දක්වා වර්ධනය වෙමින් ආරක්ෂාවට සිටි පොලිස් නිලධාරීන් සමග උද්ඝෝෂණයේ නිරත වූ පිරිස් ගැටෙන තැන පත්විය. එහිදී උප පොලිස් පරීක්ෂකවරයකු සහ පොලිස් කොස්තාපල්වරු දෙදෙනකු තියුණු ආයුධවලින් උද්ඝෝෂකයන් අතර සිටි අයකු කපා තුවාල සිදුකර තිබිණි.
මේ සම්බන්ධයෙන් දීර්ඝ ලෙස පොලිසිය සිදුකළ පරීක්ෂණවලින් සහ මෙදින මෙම උද්ඝෝෂණය වීඩියෝගත කළ පුද්ගලයන්ගේ වීඩියෝ දර්ශන ලබාගෙන සිදුකළ සියුම් පරීක්ෂාවේදී පොලිස් නිලධාරීන්ව තියුණු ආයුධයකින් කපා තුවාල කළ පුද්ගලයාව පැහැදිලිවම හඳුනාගැනීමට පොලිසිය සමත් වූ බව එම නිලදාරියා වැඩිදුරටත් සඳහන් කළේය.
