සමන් හල්ලොලුව කියන්නේ ප්රවීණ ඡායාරූප ශිල්පියෙක්. සමන්ගේ විෂය තමයි වනජීවී ඡායාරූපකරණය. ඒ නිසා සමන් කැමැති එළියේ ඉන්නවට වඩා නිදහසේ කැලෑ ඇතුළේ කැමරාව කරේ එල්ලගෙන සත්තු පස්සේ දුවන්න. (Sri Lanka Latest News)
හැබැයි මේ පාරිසරික ඡායාරූප ශිල්පියාගේ අත් කැමරාවට විතරක් සීමා වෙලා නෑ. ඒ අත් චිත්ර අඳින්නත් දක්ෂයි. එක එක ආකාරයට කලාත්මකව පින්සල් පහරවල් එල්ල කරන්නත් දක්ෂයි.
ඒ විදියට සමන්ගේ අතින් එහාට මෙහාට ගහපු අමුතු තාලේ කලාත්මක පින්සල් පහරවල එකතුවක් මේ 20 වැනිදා සවස 4.00ට කොළඹ 07, ලයනල් වෙන්ඩ්ට් කලාගාරයේදී ආරම්භ වෙනවා. 21, 22 කියන දවස් දෙකේම උදේ 9.00 ඉඳන් හවස 7.30 වෙනකම් මේ චිත්ර ප්රදර්ශනය පැවැත්වෙනවා.
සමන් මේක හඳුන්වන්නේ ‘අමුතු ආට්’ කියලයි. මොකද මේ චිත්ර එකතුවම සාමාන්ය සම්ප්රදායෙන් ඔබ්බට ගිහින් රාමුවෙන් පිට ගැනලා ඇඳපු, එහෙමත් නැත්නම් ඇඳිච්ච චිත්ර එකතුවට සමන් ‘අමුතු ආට්’ කියල නම දාලා තියෙන්නේ.
‘මෙතැන මම කරපු චිත්ර 40ක පමණ එකතුවක් තියෙනවා. සාමාන්ය සම්ප්රදායෙන් ඔබ්බට ගිය ඇබ්ස්ට්රැක්ට්, ලෑන්ඩ්ස්කේප්, ෆින්ගර් ආර්ට්, සීනරීස්, ට්රැඩිෂනල් පේස්ටින්ග්ස් රැසක් මේ අතර තියෙනවා. දැනටමත් ඒවායින් කිහිපයක් විකිණී අවසන්. මම ආරාධනා කරනවා සියල්ලන්ටම ඇවිත් මේ අමුතු වැඩෙ ටිකක් බලන්න කියලා…’ සමන් හැමෝටම විවෘත ආරාධනාවක් කරනවා.
