සැපයුම්කරුවන්ගේ බිල් ආණ්ඩුව ගෙවන්නේ නැතිව පාසල් දිවා ආහාරය පවා නතර වෙන තැනට පත්ව ඇති බවත් සමගි ජන බලවේගය පාසල් යන සියලු දරුවන්ට දිවා ආහාරය දෙන්න සිතු බවත් අද වන විට 1-5 සිසුන්ට පමණක් දෙන දිවා ආහාරය පවා අතරමග නතරවෙන තැනට පත්ව ඇති බවත් ජනතාව ඉල්ලා සිටි වෙනස මෙය නොවන බවත් සජිත් ප්රේමදාස මහතා පැවසීය.Sri Lanka Latest News
තමා බලයට පැමිණියා නම් 41 ලක්ෂයක් දරුවන්ට දිවා ආහාරය දෙන බවත් එය කරන හැටි විපක්ෂයේ සිට වැඩක් කර ඔප්පු කර ඇති බවත් අද වත්මන් රජය තුළ පාසල්වල ප්රාථමික ශ්රේණිවල දරුවන්ට පවා දිවා ආහාරය නොලැබෙන තැනට පත්ව ඇති බවත් මේ රටට අවශ්ය කාර්යක්ෂම රාජ්ය පාලනයක් වුවත් අද සිටින්නේ වැඩ බැරි රජයක් බවත් සජිත් ප්රේමදාස මහතා පැවසීය .
සමගි ජන බලවේගයේ නායක සජිත් ප්රේමදාස මහතා මේ බව කියා සිටියේ හෝමාගම පැවැති ජන හමුවකදීය.
අපේක්ෂක අනුර කුමාර දිසානායක මහතාගේ සහ ජනාධිපති අනුර කුමාර දිසානායක මහතාගේ කතාව හා ක්රියාව ගැන ලක්ෂ 220ට අවබෝධ වී ඇති බවත් ජනාධිපතිවරණ වේදිකාවේ දී විදුලි බිල 33%, 66%කිනි අඩු කරන බව පැවසුවත් තවම අඩු විමක් නොවු බවත් විධායක ජනාධිපති අනුර කුමාර දිසානායක මහතාට විදුලි බිල අඩු කරන්න ඇති බාධාව දැන ගැනිමට අවශ්ය බවත් සජිත් ප්රේමදාස මහතා පැවසීය.
ආහාර, අත්යාවශ්ය භාණ්ඩ වල මිල අඩු කරනවා කිව්වත් සහල් ටිකවත් හරියට දෙන්න බැරි වු බවත් පොල්ගෙඩි පෝලිමත් අද නිර්මාණය වී ඇති බවත් විධායක ජනාධිපතිවරයාට බඩු මිල අඩු කරන්න ඇති බාධාව කුමක්ද කියා දැන ගැනිමට අවශ්ය බවත් සජිත් ප්රේමදාස මහතා පැවසීය.
ඉන්ධන මිල ගැනත් ඔහු කිව්වේ දුෂණ වංචා නිසා ඉන්ධන මිල වැඩි නිසා මේ හොරකම වංචාව දූෂණය නැති කරන්නේ නම් එම වාසිය ජනතාවට ලබා ගත හැකි නිසා ජවිපේ ආණ්ඩුවක මෙම දූෂණ වංචා නැති කර තෙල් මිල අඩු කරනවා යැයි පැවසුවත් අද ඔහු තෙල් මිල සුත්රයේ හිරකාරයෙක් වී ඇති බවත් සොච්චමක් ලෙස තෙල් මිල අඩු කර ඇත්තේ සුපිරි වාහනවලට ගහන තෙල් බවත් ත්රීරෝද රථ හිමියන්ට සාමාන්ය ජනතාවට මෙහි වාසිය නොමැති බවත් සජිත් ප්රේමදාස මහතා පැවසීය.
වැට් බදු සෘජු හ වක්ර බදු ගැන කිව්වෙත් මේ හා සමාන දෙයක් වුවත් අවසානයේ අයි එම් එෆ් එක ඉදිිරියේ දණ නමන්නට සිදුව ඇති බවත් අයි එම් එෆ් එකට යට වෙන්නැ කියපු අනුර කුමාර දිසානායක මහතා අයි එම් එෆ් එකේ වහලකු වී ඇති බවත් සමගි ජන බලවේගය අයි එම් එෆ් එක සමග එකඟතා ඇති කර ගත්තේ මැතිවරණයක් නොපෙනෙන කාලයේ විපක්ෂයේ සිට බවත් සජිත් ප්රේමදාස මහතා පැවසීය.
ජනාධිපති වූ පසු පාස්පෝට් පෝලිමට විසදුම් දෙනවා කිව්වත් අද වන තුරු විසදුම් නොමැති බවත් පාස්පෝට් පෝලිම තවත් දිගු වී ඇති බවත් දැන් කියන්නේ අත්යාවශ්ය නම් පාස්පෝට් ගන්න බවත් සජිත් ප්රේමදාස වැඩිදුරටත් පැවසීය.
එසේම රාජ්ය සේවක වැටුප් මාස 6න් 6ට වැඩි කරනවා කිව්වත් තවම කිසිදු වැටුප් වැඩි විමක් සිදු නොවි ඇති බවත් වැටුප් වැඩි කරන්න මුදල් නොමැති බවට පවසන බවත් මැතිවරණ වේදිකාවේ එක කතාවක් සහ බලයට පත්වු පසු තවත් කතාවක් කියන බවත් සජිත් ප්රේමදාස මහතා තවදුරටත් පැවසීය.
