නොවැම්බර් 14 වනදා පාර්ලිමේන්තු මැතිවරණය පැවැත්වීමට ගෙන ඇති තීරණය ආණ්ඩුක්රම ව්යවස්ථාවට පටහැණි බවට තීන්දුවක් ලබාදෙන ලෙස ඉල්ලමින් ශ්රේෂ්ඨාධිකරණය හමුවේ පෙත්සමක් ගොනුකර තිබේ.Sri Lanka Latest News
මෙම පෙත්සම ගොනුකර ඇත්තේ “අපි ශ්රී ලංකා ජාතික සංවිධානයේ” කැඳවුම්කරු එච්. එම්. ප්රියන්ත හේරත් විසිනි.
ජනාධිපතිවරයා වෙනුවෙන් නීතිපතිවරයා, ජනාධිපති ලේකම්වරයා, මැතිවරණ කොමිසමේ සභාපතිවරයා ඇතුළු සාමාජිකයින් හා නීතිපතිවරයා මෙම පෙත්සමේ වග උත්තරකරුවන් වශයෙන් නම්කර ඇත.
පෙත්සම්කරු සිය පෙත්සමෙන් පෙන්වා දී ඇත්තේ පාර්ලිමේන්තු මැතිවරණය සඳහා නාමයෝජනා කැඳවීම ඔක්තෝබර් මස 04 වනදා සිට ඔක්තෝබර් මස 11 වන දා දක්වා සිදු කෙරුණු බවත් මැතිවරණ පනත ප්රකාරව නාමයෝජනා භාරගැනීම අවසන් වූ දින සිට සති පහකට නොඅඩු කාලයක් සහ සති හතකට නොවැඩි කාලයක් තුළ ඡන්ද විමසීම සඳහා දින නියම කළ යුතු බවත් ය.
ඒ අනුව නාම යෝජනා භාරගැනීම අවසන් වූ ඔක්තෝබර් මස 11 වන දා සිට සති පහක කාලය නොවැම්බර් මස 15 වන දා අවසන් වන අතර සති 07 කාලය නොවැම්බර් මස 29 වනදා සම්පූර්ණ වන නමුත් ඒ අනුව නාම යෝජනා භාරගැනීම අවසන් වූ ඔක්තෝබර් මස 11 වන දා සිට සති පහක කාලය නොවැම්බර් මස 15 වන දා අවසන් වන අතර සති 07 කාලය නොවැම්බර් මස 29 වනදා සම්පූර්ණ වන බවත් පෙත්සම්කරු පෙන්වා දී ඇත.
එසේ තිබියදී වර්තමානයේ පාර්ලිමේන්තු ඡන්ද විමසීම සඳහා නියම කර තිබෙන නොවැම්බර් මස 14 වනදා දිනය එම නීතිමය කාලසීමාවට ඇතුළත් නොවන හෙයින් එදින පාර්ලිමේන්තු ඡන්ද විමසීම පැවැත්වීම නීතියට පටහැනි බවත් පෙත්සම්කරු පෙන්වා දී ඇත.
මේ සම්බන්ධයෙන් මැතිවරණ කොමිසමේ සභාපතිවරයා දැනුවත් කිරීමට කටයුතු කළත් ඉන් ඵලක් අත් නොවූ බවත් පෙත්සම්කරු ප්රකාශ කර තිබේ.
ඒ අනුව, මේ හරහා ආණ්ඩුක්රම ව්යවස්ථාව උල්ලංඝනය වන බවට තීන්දුවක් ලබාදෙන ලෙසත් අදාළ වරද නිවැරදි කිරීමට හේතුවන සුදුසු නියෝගයක් වේ නම් එවැනි නියෝග නිකුත් කරන ලෙසත් පෙත්සම්කරු ශ්රේෂ්ඨාධිකරණයෙන් ඉල්ලා ඇත.
