රහස් පොලිසියේ ඇතැම් උසස් නිලධාරීන් තමන්ගෙන් රුපියල් කෝටි ගණනින් කප්පම් ලබාගෙන තම ධනය කොල්ලකෑ බවත් ඒ බව ඔප්පු කිරීමට තමන් සතුව ඔඩියෝ සහ වීඩියෝ සාක්කි ඇති බව පවසමින් ‘අවුරා ලංකා’ සමාගමේ සභාපති විරන්ජිත් තාඔුගල නමැත්තා අධිකරණයට දුන් රහස් ප්රකාශයේ පිටපත් අපරාධ පරික්ෂණ දෙපාර්තමෙන්තුවට දෙන ලෙස අනුරාධපුර අතිරේක මහේස්ත්රාත් මනෝදි හේවාවසම් මහත්මිය අධිකරණ් රෙජිස්ට්රාර්වරයාට අද (14) නියෝග කළාය.
අපරාධ පරික්ෂණ දෙපාර්තමෙන්තුවේ නීති විරෝධි වත්කම් විමර්ශන කොට්ඨාශයේ ස්ථානාධිපති ප්රධාන පොලිස් පරික්ෂක සම්පත් රාජකරුණා මහතා මෝෂමක් මගින් කළ ඉල්ලීමක් පිළිගනිමින් මහේස්ත්රාත්වරිය එලෙස නියෝග කළාය.
අපරාධ නඩු විධාන සංග්රහයේ 127 වැනි වගන්තිය යටතේ ප්රකාශයක් කිරීමට අවසර දෙන්නැයි ‘අවුරා ලංකා’ සමාගමේ සභාපති විරන්ජිත් තාඔුගල නමැත්තා මීට පෙර අවස්ථාවක කළ ඉල්ලීමකට අවසර දීම හේතූවෙන් නීතිඥ උපාලි ජයමාන්න මහතාගේ මෙහෙයවීම යටතේ ඔහු අතිරේක මහේස්ත්රාත් මනෝදි හේවාවසම් මහත්මිය හමුවේ ස්වේඡාවෙන් ප්රකාශයක් කළේය.
නීති විරෝධි වත්කම් විමර්ශන කොට්ඨාශයේ ස්ථානාධිපති ප්රධාන පොලිස් පරික්ෂක සම්පත් රාජකරුණා මහතා ගොනු කළ මෝෂමකට අනුව මෙම නඩුව කැඳවු අවස්ථාවේදී තාඹුගල නමැත්තා දුන් ප්රකාශයේ පිටපතක් තමන්ට නිකුත් කරන්නැයි ඉල්ලා සිටියේය.
එම ඉල්ලීම පිළිගත් මහේස්ත්රාත්වරිය තාඹුගල නමැත්තා දුන් ප්රකාශයේ පිටපතක් රහස් පොලිසියට නිකුත් කිරීමට නියම කළාය.
lankadeepa
