උතුරේ පැවැති යුද්ධය අතරතුරදී සිවිල් ආරක්ෂක ඒකකයේ සේවය කළ සිංහල තරුණයකු සහ එල්.ටී.ටී.ඊ. තරුණියක අතර පැවැති ආදර සම්බන්ධයක් විවාහයකින් අවසන් වීමේ පුවතක් බීබීසී ප්රවෘත්ති සේවය පසුගිය දිනෙක වාර්තා කර තිබිණ.
මෙම සිවිල් ආරක්ෂක ඒකකයේ සේවය කළ සිංහල තරුණයාගේ නම රෝෂාන් ජයතිලකය. ඔහු වව්නියාව ඉරට්ටකුලමේය. තරුණියගේ නම ගෞරි මලර්ය.
යුද්ධය අවසන් වීමෙන් පසුව මේ දෙදෙනා විවාහ වී දකුණේ පදිංචි වී ඇති අතර අද ඔවුන් දෙපොළට දියණියකද සිටී.
ගෞරිගේ වැඩිමල් සහෝදරයා යුද්ධය හේතුවෙන් අදටත් අතුරුදන්ය.
මේ ඔවුන්ගේ සංවේදී කතාව බීබීසිය සිය ප්රවෘත්ති විකාශය අතරතුර ප්රචාරය කළ ආකාරයය.
