කොළඹ පරිභෝගික මිල දර්ශකය අනුව ලංකාවේ උද්ධමනය ක්රමයෙන් පහළ යෑමක් මේ වනවිට පෙන්නුම් කරන බව ජන හා සංඛ්යාලේඛන දෙපාර්තමේන්තුව හෙළිකොට ඇති බව පේරාදෙණිය විශ්වවිද්යාලයේ මානව ශාස්ත්ර සහ සමාජ විද්යා පශ්චාත් උපාධි අධ්යයන අංශයේ අධ්යක්ෂ සහ ආර්ථික විද්යාව පිළිබඳ මහාචාර්ය වසන්ත අතුකෝරල මහතා ‘මව්රට’ට පැවැසීය.
මෙම දර්ශකයේ අගය 2021දී 100ක් ලෙස පැවැති අතර, 2023 ජනවාරි වනවිට 188.6 දක්වාත්, 2024 ජනවාරි වනවිට 200.4 දක්වාත් උපරිම අගයක් ලංකාව තුළ වාර්තා විය.
එහෙත් 2024 ජනවාරිවලින් පසුව මෙම මිල දර්ශකයේ අගය ක්රමයෙන් පහළ ගිය අතර, 2024 සැප්තැම්බර් වනවිට 190.9ක් ලෙසයි වාර්තා වුණේ.
2024 ජනවාරි සිට සැප්තැම්බර් දක්වා කාලය තුළ මිල දර්ශකයේ අගය 5%ක පමණ පහළ යෑමක් පෙන්නුම් කරනු ලබයි.
ආර්ථිකය තුළ මෙය ධනාත්මක ආකාරයට බලපෑ හැකි අතර, භාණ්ඩ සහ සේවාවන්ගේ මිල මට්ටම් යම් පමණක හෝ අඩුවීමක් ඒ තුළින් පෙන්නුම් කරනු ලබයි.
ප්රේමලාල් විජේරත්න
