පාස්කු ප්රහාරය සම්බන්ධයෙන් සොයා බැලීම සදහා හිටපු ජනාධිපති රනිල් වික්රමසිංහ මහතා බලයට පත්වූ පසු විශේෂ කමිටු දෙකක් පත් කොට විමර්ශන සිදු කර ඊට අදාළ අවසන් වාර්තා ලබා දී මේ වනවිට කාලයක් ගත වුවද මෙතෙක් එම වාර්තා හෙළිදරව් නොකිරීම සම්බන්ධයෙන් මේ වනවිට බරපතළ තත්ත්වයක් මතුව තිබේ.Sri Lanka Latest News
රනිල් වික්රමසිංහ මහතා ජනාධිපති ධූරයට පත්වීමෙන් අනතුරුව පළමු කමිටුව පත් කළේ 2023 සැප්තැම්බර් 11 වැනි දිනය.
ඒ, චැනල් ෆෝ නාළිකාව මගින් පාස්කු ප්රහාරය සම්බන්ධයෙන් කළ අනාවරණය පිළිබද සොයා බැලීම සදහාය.
එම කමිටුවේ ප්රධානියා ලෙස පත්කරනු ලැබුවේ විශ්රාමික ශ්රේෂ්ඨාධිකරණ විනිසුරු එස්. අයි. ඉමාම් මහතාය. විශ්රාමික ගුවන් හමුදාපති ජයලත් වීරක්කොඩි සහ ජනාධිපති නීතීඥ හර්ෂ ඒ.ජේ. සෝසා මහතා එහි කමිටු සාමාජිකයෝ වූහ.
එම කමිටුවේ අවසන් වාර්තාව වික්රමසිංහ මහතා වෙත බාර දෙනු ලැබුවේ පසුගිය ජුනි මස 25 වැනි දිනය.
දෙවැනි කමිටුව වික්රමසිංහ මහතා විසින් පත් කරනු ලැබූයේ ප්රහාරයක් එල්ල වනු ඇති බවට බුද්ධි තොරතුරු ලබා දී තිබියදීත් බුද්ධි අංශ විසින් එය වළක්වා ගැනීමට අපොහොසත් වීම සම්බන්ධයෙන් එල්ල වන චෝදනා පිළිබද සොයා බැලීම සදහාය.
2024 ජුනි 12 වැනි දින පත් කළ එම කමිටුවේ ප්රධානියා වූයේ විශ්රාමික විනිසුරු ඒ.එන්.ජේ. ද අල්විස් මහතාය.
එම වාර්තාව බාර දෙනු ලැබූවේ 2024 සැප්තැම්බර් 14 වැනි දිනය.
කෙසේවෙතත් මෙම වාර්තා දෙකම මේ දක්වා රටට හෙළි නොකිරීම සම්බන්ධයෙන් විශාල ප්රශ්නාර්ථයක් මේ වනවිට මතුව තිබේ.
දැනට ඇති තොරතුරුවලින් කියවෙන්නේ මෙම වාර්තා දෙක මගින්ම ආන්දෝලනාත්මක තොරතුරු රැසක් හෙළිදරව් කර ඇති බවකි.
එමනිසා වහාම මෙම වාර්තා දෙක ප්රසිද්ධ කළ යුතු බව බොහෝ දෙනාගේ අදහසය.
