මෑතකදී රජය විසින් හඳුන්වා දුන් විද්යුත් වීසා ක්රමවේදය ක්රියාත්මක කිරීම අත්හිටුවාලමින් ශ්රේෂ්ඨාධිකරණය විසින් නිකුත් කළ අතුරු තහනම් නියෝගයක් ක්රියාත්මක නොකිරීම තුළින් අධිකරණයට අපහාසයක් සිදුකර ඇතැයි චෝදනා කොට ආගමන හා විගමන පාලක හර්ෂ ඉලූක්පිටිය මහතාට එරෙහිව චෝදනා පත්ර ගොනුකරන ලෙස ශ්රේෂ්ඨාධිකරණය අද (13) නියෝග කළේය.Sri Lanka Latest News
එම චෝදනා කෙටුම්පත් කොට ලබන 25 වනදා අධිකරණය හමුවේ ඉදිරිපත් කිරීමට පියවර ගන්නා ලෙසත් ශ්රේෂ්ඨාධිකරණය විසින් පෙත්සම්කාර පාර්ශවයට නියෝග කර තිබේ.
අදාළ වීසා ක්රමවේදය අභියෝගයට ලක් කරමින් පාර්ලිමේන්තු මන්ත්රීවරුන් වූ එම්. ඒ. සුමන්දිරන්, පාඨලී චම්පික රණවක සහ රවුෆ් හකීම් යන මහත්වරුන් විසින් ඉදිරිපත් කළ මූලික අයිතිවාසිකම් පෙත්සම් අද මෝසමක් මඟින් කැඳවීමෙන් අනතුරුව ත්රිපුද්ගල ශ්රේෂ්ඨාධිකරණ විනිසුරු මඩුල්ලක් විසින් මෙම නියෝග නිකුත් කරනු ලැබීය.
ප්රීති පද්මන් සූරසේන, කුමුදුනි වික්රමසිංහ සහ අචල වෙංගප්පූලි යන මහත්වරුන්ගෙන් සමන්විත ත්රිපුද්ගල ශ්රේෂ්ඨාධිකරණ විනිසුරු මඩුල්ල විසින් මෙම නියෝග නිකුත් කළහ.
