ජනාධිපතිවරණය ප්රකාශයට පත් කිරීමට සති 3ක් තිබියදී මුදල් අමාත්යවරයා වශයෙන් ජනාධිපති රනිල් වික්රමසිංහ මහතා විසින් කඩිමුඩියේ කොළඹ ඩී.ආර්. විජයවර්ධන මාවතේ පිහිටි නෙළුම් කුළුණ පරිශ්රයේ නව කැසිනෝ ව්යාපාරයක් ආරම්භ කිරීමට බලපත්රයක් නිකුත් කිරීම සම්බන්ධයෙන් මේ වනවිට බරපතළ ගැටලු ගණනාවක් මතුවී තිබේ. Sri Lanka Latest News
‘ගෝල්ඩන් අයිලන්ඩ් හොස්පිටලිටි ලිමිටඩ්’ නමැති මව් සමාගම ‘මගින් ක්රියාත්මක වන ‘මැජෙස්ටික් ප්රයිඩ් කැසිනෝ ශ්රී ලංකා’ නම් ආයතනයකට ජනාධිපතිවරයා විසින් මෙම කැසිනෝ බලපත්රය නිකුත් කිරීම සදහා සිය අත්සන යොදා ඇත්තේ ඉකුත් ජුලි 05 වැනි දිනය.
එමෙන්ම ඊට අදාළව ආයෝජන මණ්ඩලය විසින් සිය අනුමැතිය ලබා දෙන්නේ ඉකුත් අගෝස්තු මස 01 වැනි දිනය.
ඒ, ජනාධිපතිවරණය ප්රකාශයට පත් කළ ජුලි 26 දිනට පසුවය.
ඒ මේ ආකාරයට ජනාධිපතිවරණය ප්රකාශයට පත් කිරීමට සති 3ක් තිබියදී මුදල් අමාත්යවරයා වශයෙන් ජනාධිපතිවරයා කැසිනෝ බලපත්රයක් නිකුත් කිරීමේදී ඊට අදාළ නිර්ණායකයන් නිසි පරිදි අනුගමනය කළේද යන්න පිළිබදව විශාල කතාබහක් මේ වනවිට ක්ෂේත්රයේ මතුව තිබේ.
ඒ, පැරණි ගැසට් නිවේදනයට අනුව මෙම කැසිනෝ බලපත්රය නිකුත් කළාද එසේත් නැත්නම් ජනාධිපතිවරයා විසින්ම 2024 ජනවාරි මස 12 වැනිදා නිකුත් කරන ලද නව සංශෝධන සහිත ගැසට් පත්රයට අනුව මෙම කැසිනෝ බලපත්රය නිකුත් කළාද යන්න සම්බන්ධයෙනි.
පැරණි ගැසට් නිවේදනයට අනුව කැසිනෝ බලපත්රයක් නිකුත් කිරීමේදී රුපියල් මිලියන 500ක මුදලක් ඒ සදහා ගෙවිය යුතුව තිබේ.
නමුත් නව ගැසට් පත්රයට අනුව කැසිනෝ බලපත්රයක් නිකුත් කිරීමේදී ඒ සදහා අමෙරිකානු ඩොලර් මිලියන 250ක මුදලක් ආයෝජනය කළ යුතුව ඇති අතර බලපත්රයේ ස්වාභාවය අනුව රුපියල් බිලියන 10ක් හෝ රුපියල් බිලියන 5ක් අදාළ සමාගම විසින් ගෙවිය යුතුව තිබේ.
එසේ නම් මෙම බලපත්රය නිකුත් කිරීමේදී සිදුකළ අමෙරිකානු ඩොලර් මිලියන 250ක ආයෝජනයක් සිදු කළාද, ඊට අදාළව රුපියල් බිලියන 10ක හෝ රුපියල් බිලියන 5ක මුදල ගෙවනු ලැබුවාද යන්න පිළිබදවත්, එසේ ගෙවනු ලැබුවේ නම් ඒ මුදල්වලට සිදුවූයේ කුමක්ද යන්න පිළිබදවත් මේ වනවිට බරපතළ ගැටලුවක් මතුව තිබේ.
එම මුදල්, මුදල් අමාත්යංශයට ලැබුණාද, එසේත් නැතිනම් පැරණි ක්රමයට අනුව දේශීය ආදායම් දෙපාර්තමේන්තුවට ලැබුණාද යන්න සම්බන්ධයෙන් ගැටලුවක් මතුව ඇති අතර එසේ ගෙවූයේ නම් අදාළ ආයතන විසින් ඒ පිළිබදව යම් ප්රකාශයක් සිදු කළ යුතුව තිබේ.
එමෙන්ම මෙම කැසිනෝ බලපත්රය ලබා දීමේදී ජනාධිපතිවරයා විසින් මුදල් අමාත්යවරයා වශයෙන් ඉකුත් ජනවාරි මාසයේදී සංශෝධනය කරන ලද ගැසට් නිවේදනයට අනුව කටයුතු කළේද යන්න පිළිබදවද මේ වනවිට විශාල කතාබහක් නිර්මාණය වී ඇත.
මන්ද යත් ජනාධිපතිවරයා විසින්ම සංශෝධනය කරන ලද නිවේදනයට අනුව අදාළ ආයතන කටයුතු කොට නොමැති නම් එය බරපතළ ගැටලුවක් වීම නිසාය.
ඒ අනුව ඉදිරි දින කිහිපය ඇතුළත මෙම සැකසහිත කැසිනෝ බලපත්ර ගනුදෙනුව පිළිබදව මැතිවරණ කොමිසමට පැමිණිල්ලක් ඉදිරිපත් කිරීමට කණ්ඩායම් කිහිපයක් තීරණය කොට ඇති බව වාර්තා වේ.
එමෙන්ම ජනාධිපතිවරණය අවසන් වූ වහාම මෙම ගනුදෙනුව පිළිබදව නියත වශයෙන්ම විශේෂ විමර්ශනයක් ආරම්භ කිරීමට සහ අධිකරණමය ක්රියාමාර්ගයන්ට යොමුවීමට එම පාර්ශ්ව මේ වනවිටත් තීන්දු කොට ඇති බවක්ද දැනගන්නට තිබේ.
ජනාධිපතිවරයා විසින් ජුලි 05 වැනි දින කැසිනෝ බලපත්රය ලබාදීමට කටයුතු කොට ඇති අයුරු!
ආයෝජන මණ්ඩලය ජනාධිපතිවරණය ප්රකාශයට පත්කිරීමෙන් අනතුරුව ගිවිසුම්ගත වී ඇති අයුරු!
