2023 වසරේදී මෙරට උපාධිධාරීන් 331ක් පමණ බන්ධනාගාරගත වී ඇති බව බන්ධනාගාර දෙපාර්තමේන්තුව විසින් ඉදිරිපත් කරනු ලබන නවතම වාර්තාවෙන් පෙන්නුම් කරන බව පේරාදෙණිය විශ්වවිද්යාලයේ මානව ශාස්ත්ර සහ සමාජ විද්යා අංශයේ අධ්යක්ෂ සහ ආර්ථික විද්යාව පිළිබඳ මහාචාර්ය වසන්ත අතුකෝරල මහතා පැවැසීය. (Sri Lanka Latest News)
මෙයින් 66 දෙනකු වැරැදිකරුවන් වූ අය වන අතර, 265 දෙනකු සැකපිට අත්අඩංගුවට ගෙන බන්ධනාගාරගත කර ඇති බව වාර්තා වේ.
2023දී බන්ධනාගාරගතව සිටි පුද්ගලයන්ගෙන් 14,952ක් අ.පො.ස. උසස් පෙළ විභාගය සමත් වූ අය වන අතර, එය මුළු සංඛ්යාවෙන් 8.1%ක් වේ.
තවද 44,614 දෙනකු, එනම් 24%ක් පමණ අ.පො.ස. සාමාන්ය පෙළ සමත් අයයි.
අධ්යාපන මට්ටම අනුව සලකා බලන විට වැඩි ප්රමාණයක් සිර කඳවුරුවල සිරගත වී ඇත්තේ 8 වැනි ශ්රේණිය සමත් වූ අයයි.
ඒ තුළ පුද්ගලයන් 64,680 දෙනකු සිටි අතර, එය මුළු ප්රමාණයෙන් 35%ක ප්රමාණයකි.
5 ශ්රේණිය සමත් අය 34,675ක් හෙවත් 19%ක් පමණ සිටි බව වාර්තා වන අතර, 1 සිට 5 දක්වා ශ්රේණිවල අධ්යාපනය ලැබූ අය 20,188 දෙනකු හෙවත් 11%කට ආසන්න පිරිසක් සිටි බවද වාර්තා වේ.
පාසල් නොගිය, සිරගත වූවන් ප්රමාණය 5,370 දෙනකු වන අතර, එය මුළු ප්රමාණයෙන් 3%කට ආසන්න පිරිසකි.
ලංකාවේ සිරගතවීම් පසුගිය වසර දෙකක කාලය තුළ ක්රමයෙන් වැඩිවී ඇති බවයි වාර්තා වන්නේ. එනම් බන්ධනාගාර දෙපාර්තමේන්තුව සතු විවිධ සිර කඳවුරුවල සිටි පුද්ගලයන් සංඛ්යාව 2021දී 76,973ක් වූ අතර, 2022 වනවිට එය 1,38,581 දක්වාත්, 2023 වනවිට 1,85,056 දක්වාත් වැඩිවී ඇති බව දැක්විය හැකිය.
ප්රේමලාල් විජේරත්න
