ජුනි මස 20 වෙනිදා පාර්ලිමේන්තු මහ මැතිවරණය පැවැත්වීම සම්බන්ධයෙන් නිකුත් කළ ගැසට් නිවේදනය අභියෝගයට ලක් කරමින් ගොනු කර ඇති පෙත්සම්වලට අදාළව මැතිවරණ කොමිසන් සභාව හෝ එම සාමාජිකයින් වෙනුවෙන් තමන්ට පෙනී සිටීමට නොහැකි බව නීතිපති දප්පුල ද ලිවේරා මහතා අධිකරණය වෙත දැනුම් දී ඇත.
මේ බව නීතිපතිවරයාගේ සම්බන්ධිකරණ ලේකම් රජයේ අධි නීතිඥ නිශාරා ජයරත්න මෙනවිය ප්රකාශ කර තිබේ.
පාර්ලිමේන්තු මැතිවරණය ජුනි මස 20 වනදා පැවැත්වීමට මැතිවරණ කොමිසන් සභාව විසින් නිකුත් කර තිබෙන ගැසට් නිවේදනය ආණ්ඩුක්රම ව්යවස්ථාවේ ප්රතිපාදනවලට පටහැනි බවට ප්රකාශයට පත් කර එම ගැසට් පත්රය බල රහිත කරන ලෙසට ඉල්ලා ගොනු කර ඇති මූලික අයිතිවාසිකම් පෙත්සම් කිහිපයක් අද දින (11) අගවිනිසුරු ජයන්ත ජයසූරිය මහතා ප්රමුඛ ත්රිපුද්ගල විනිසුරු මඩුල්ලක් ඉදිරියේ සලකා බැලිණ.
නීතීඥ චරිත ගුණරත්න මහතා විසින් ගොනු කර ඇති මූලික අයිතිවාසිකම් පෙත්සම ඇතුළු පෙත්සම් 7 ක් ලබන 18 සහ 19 දෙදින සලකා බැලීමට ශ්රේෂ්ඨාධිකරණය අද (11) තීන්දු කළේය.
මෙදින පෙත්සම් සලකා බැලීමේදී සියලු පාර්ශවයන් වෙත ඇහුම්කන් දීම කළ යුතු බවද අගවිනිසුරුවරයා පෙන්වා දුන්නේය.
එතෙක් මැතිවරණය සම්බන්ධයෙන් සියලු තීරණ තීන්දු ගැනීම මැතිවරණ කොමිසමට හැකියාව ලැබෙන බවද අගවිනිසුරු ජයන්ත ජයසූරිය මහතා පැවසීය.
මෙම පෙත්සම් අගවිනිසුරු ජයන්ත ජයසූරිය, එස්. තුරෙයිරාජා සහ මුර්දු ප්රනාන්දු ඇතුළු ත්රිපුද්ගල ශ්රේෂ්ඨාධිකරණ විනිසුරු මඩුල්ලක් ඉදිරියේ කැදවීමට නියමිතය.
