නැගෙනහිර අනුරාධපුර බල ප්රදේශයේ ශ්රී ලංකා නිදහස් පක්ෂයේ සම සංවිධායකවරයා ලෙස කටයුතු කළ ඩී. පී. බන්දුසේන මහතා විපක්ෂ නායක සජිත් ප්රේමදාස මහතාගේ රට ගොඩනැගීමේ වැඩපිළිවෙළට සහාය පළ කිරීමේ අරමුණින් සමගි ජන බලවේගය හා එක්විය.Sri Lanka Latest News
ඒ මහතා 2002-2006 කාලයේ නැගෙනහිර නුවරගම් පළාත ප්රාදේශීය සභාවේ විපක්ෂ නායකවරයා ලෙසත්, 2006-2011 සහ 2011-2015 කාලයේ නැගෙනහිර නුවරගම් පළාත ප්රාදේශීය සභාවේ සභාපතිවරයා ලෙසත් කටයුතු කර තිබේ. එසේ ම හිටපු ජනාධිපති මෛත්රීපාල සිරිසේන මහතා විසින් 2017 නොවැම්බර් මස 23 වැනි දින සිට නාච්චදූව ප්රාදේශීය ලේකම් කොට්ඨාසයේ ප්රාදේශීය සම්බන්ධීකරණ කමිටුවේ සමසභාපතිවරයා ලෙසත් පත් කර තිබේ.
මීට අමතරව ශ්රී ලංකා නිදහස් පක්ෂයේ කැකිරාව සහ බණ්ඩාරවෙළ ආසනයේ සංවිධායකවරුන් දෙදෙනාද විපක්ෂ නායක සජිත් ප්රේමදාස මහතාගේ දේශපාලන ගමනට සහාය පළ කිරීමේ අරමුණින් සමගි ජන බලවේගය හා එක්විය.
ඒ අනුව, ශ්රී ලංකා නිදහස් පක්ෂයේ උපාධිධාරී සංවිධානයේ සහ ශිෂ්ය සංවිධානයේ හිටපු ලේකම්වරයා ලෙසත් මධ්යම කාරක සභිකයකු ලෙසත් ඉඩම් ප්රතිසංස්කරණ කොමිෂන් සභාවේ හිටපු විධායක අධ්යයක්ෂ ලෙසත් කටයුතු කර ඇති ශ්රී ලංකා නිදහස් පක්ෂයේ කැකිරාව ආසනයේ ප්රධාන සංවිධායක ඩී. කේ. ඩී. දිසානායක මහතා විපක්ෂ නායක සජිත් ප්රේමදාස මහතාගේ දේශපාලන ගමනට සහාය පළ කිරීමේ අරමුණින් සමගි ජන බලවේගය හා එක්විය.
එසේම ශ්රී ලංකා නිදහස් පක්ෂයේ මධ්යම කාරක සභික, බණ්ඩාරවෙළ ආසනයේ ප්රධාන සංවිධායක මෙන් ම වෘත්තීයවේදීන්ගේ සංවිධානයේ උප සභාපතිවරයා ලෙස කටයුතු කළ ආර්. එම්. රසික දේශප්රිය රත්නායක මහතා ද සමගි ජන බලවේගය හා එක්විය.
ඒ මහතා ශ්රී ලංකා නිදහස් පක්ෂයේ තරුණ සංවිධානයේ හිටපු ජාතික සංවිධායකවරයා ලෙසත් ශ්රී ලංකා නිදහස් පක්ෂයේ ශිෂ්ය සංවිධානයේ සභාපතිවරයා ලෙසත් ජනාධිපති ලේකම් කාර්යාලයේ හිටපු අධ්යයක්ෂකවරයකු ලෙසත් කලක් කටයුතු කර ඇති අයෙකි.
