ජනාධිපතිවරයා විසින් පසුගිය දිනෙක පාස්කු ප්රහාරය සම්බන්ධයෙන් සොයා බැලීම සදහා පත්කළ නව කොමිසම මුජිබර් රහුමාන් මන්ත්රීවරයා දැඩි විවේචනයක් සිදු කළ ආකාරයක් දැකගත හැකිවිය. Sri Lanka Latest News
”පාස්කු ඉරුදින ත්රස්ත ප්රහාරය පිළිබඳ ලැබුණු බුද්ධි තොරතුරු සම්බන්ධයෙන් රාජ්ය බුද්ධි සේවය, ජාතික බුද්ධි ප්රධානී සහ අනෙකුත් බලධාරීන් ගත් ක්රියාමාර්ග පිළිබඳ විමර්ශනය කිරීමට ජනාධිපතිවරයා කමිටුවක් පත්කර තිබෙනවා. පාස්කු බෝම්බ ප්රහාරයෙන් පසුව රටේ කොමිසන් සභා කිහිපයක්ම පිහිටවනු ලැබුවා. වික්රමසිංහ මහත්තයා අගමැතිව සිටි කාලයේ පාස්කු බෝම්බ ප්රහාරය ගැන හොයන්න පාර්ලිමේන්තු කාරක සභාවක් පත් කළා. ඒ කාරක සභාවෙන් පාස්කු බෝම්බ ප්රහාරය ගැන විමර්ශනය කරලා වාර්තාවක් ලබාදිලා තිබෙනවා. ඒ වගේම පාස්කු බෝම්බ ප්රහාරය ගැන හොයන්න මෛත්රීපාල සිරිසේන මහත්තයා ජනාධිපති කොමිසමක් පත් කළා. ඒ කොමිසමන් පාස්කු බෝම්බ ප්රහාරය ගැන විමර්ශනය කරලා වාර්තාවක් ලබාදිලා තිබෙනවා. ශ්රේෂ්ඨාධිකරණය මේ සම්බන්ධයෙන් නඩු විභාග කරලා තුන්දෙනෙක් වරදකරුවන් බවට පත් කරලා ඔවුන්ට දඩ මුදලක් ගෙවන ලෙස ශ්රේෂ්ඨාධිකරණය නියෝග කළා. පාස්කු බෝම්බ ප්රහාරය ගැන චැනල් 4 නාලිකාවෙන් විකාශනය වුණ වාර්තා වැඩසටහනක් ගැන හොයන්න ජනාධිපතිවරයා කමිටුවක් පත්කළා. ඒ කමිටු වාර්තාව තාව එළිදක්වලා නෑ.
ඒ වගේම පාස්කු බෝම්බ ප්රහාරය සම්බන්ධයෙන් සෙවීමට පත්තළ ජනාධිපති කොමිසන් සභාව නිර්දේශ ගණනාවක් ලබාදිලා තිබෙනවා. ඒ නිර්දේශවලින් එකක්වත් තවම ක්රියාත්මක කරලා නෑ. ඒ නිර්දේශ ක්රියාත්මක කරන්න ජනාධිපතිවරයාගේ අකමැත්තක් තිබෙන බව පෙනෙනවා. පොලිසියේ සිටින ඇතැම් නිලධාරින්ට අපරාධ නඩු පවරන ලෙස පාස්කු බෝම්බ ප්රහාරය සම්බන්ධයෙන් සෙවීමට පත්තළ ජනාධිපති කොමිසන් සභාව නිර්දේශ කරලා තිබුණා. ඒ නිර්දේශයවත් ක්රියාත්මක කරලා නෑ.
පාස්කු බෝම්බ ප්රහාරය සම්බන්ධයෙන් ශ්රේෂ්ඨාධිකරණය ලබාදුන්න නඩු තින්දුවේ තිබෙනවා පාස්කු බෝම්බ ප්රහාරය සම්බන්ධයෙන් බුද්ධි අංශයේ ක්රියාකාරිත්වය නිසියාකාරව ක්රියාත්මක වී නැති බව පෙන්වා දී තිබෙනවා. එසේ නම් ජනාධිපතිවරයා නැවත පාස්කු ඉරුදින ත්රස්ත ප්රහාරය පිළිබඳ ලැබුණු බුද්ධි තොරතුරු සම්බන්ධයෙන් රාජ්ය බුද්ධි සේවය, ජාතික බුද්ධි ප්රධානී සහ අනෙකුත් බලධාරීන් ගත් ක්රියාමාර්ග පිළිබඳ විමර්ශනය කරන්න කමිටුවක් පත් කරන්නේ කුමක හේතුවකටද?
ජනාධිපතිවරයා ජනාධිපතිධුරයට පත් වුණාට පස්සේ කිව්වා පාස්කු ප්රහාරය සම්බන්ධයෙන් සෙවෙීමට විදේශිය ආරක්ෂක අංශ වල සහාය ලබාගන්නවා කියලා. නමුත් දැන් කියනවා කිසිදු විදේශිය ආරක්ෂක අංශයක සහාය පාස්කු ප්රහාරය සම්බන්ධයෙන් සෙවෙීමට ලබාගන්නේ නෑ කියලා. පාස්කු ප්රහාරය මෙහෙයවපු කණ්ඩායම හෙළිවෙනවා දකින්න ජනාධිපතිවරයා කැමැති නෑ. කතෝලික සභාව පාස්කු ප්රහාරය සිදුවන කාලයේ සිටි ජනාධිපති , අගමැති , පොලිස්පති ඇතුළු ප්රධානින්ට විරුද්ධව නඩු පැවැරුවා.ජනාධිපති මුක්තිය හේතුවෙන් ජනාධිපතිව එම නඩුවෙන් ඉවත් කළා. නමුත් ජනධිපිවරණයෙන් පසු ඒ නඩුව නැවත කැඳවන්න හැකියාවක් තිබෙනවා. ඒ නිසා ජනාධිපතිවරයා තමන්වම සුද්ද කර ගන්න නැවත පාස්කු ප්රහාරය සම්බන්ධයෙන් සෙවෙීමට කමිටුවක් පත් කරගත්තා ද කියන සැකය මතුවෙනවා. අලුතින් කමිටු පත් කරලා පාස්කු ප්රහාරය පිලිබඳ පරික්ෂණ යට ගහන්න ජනාධිපතිවරයා උත්සහ කරන බවක් පෙනෙන්න තිබෙනවා.”
