පසුගිය දිනවල ඇදහැලුණු අධික වර්ෂාවෙන් පසු කොළඹ නගරසීමාවට අයත් වන මාර්ග 18ක් ආසන්නයේ පිහිටා ඇති අවදානමට ලක්විය හැකි බවට සැක කරන විශාල ගස් 1000කට අධික සංඛ්යාවක් පිළිබඳ කඩිනම් පර්යේෂණ ආරම්භ කොට ඇතැයි කොළඹ මහනගර සභාවේ ඉඩම් අංශයේ අධ්යක්ෂ ඉංජිනේරු මනෝජ් රණසිංහ මහතා ‘මව්රට’ට පැවැසීය. (Sri Lanka Latest News)
එම ගස්වල කඳ සහ මුල්වල තත්ත්වයන් පිළිබඳ පරීක්ෂණ පැවැත්වීම සඳහා පේරාදෙණිය උද්භිද උද්යානයේ ශාක විශේෂඥයන් සහ ජාතික ගොඩනැගිලි පර්යේෂණ සංවිධානයේ විශේෂඥයන් පිරිසකගේද සහාය ලබාගෙන ඇති බවද ඔහු පැවැසීය.
එම පර්යේෂණ මෙම සතියේ ආරම්භ කෙරෙන අතර, අදාළ පර්යේෂණ වාර්තාවලින් පසුව ඒවා ඉවත් කර රාජ්ය දැව සංස්ථාවට භාරදෙන බවයි ඔහු සඳහන් කළේ.
මීට පෙරද මෙවැනි අන්දමට කොළඹ නගරාසන්නයේ පිහිටා තිබූ අවදානම් සහිත ගස් 92ක් ඉවත් කළ බවද රණසිංහ මහතා පැවැසීය.
කොළඹ මහාමාර්ග ආසන්නයේ අවදානම් සහිත ගස් පිහිටා තිබීම නිසා කොළඹ නගරයට පැමිණෙන වාහන ඒ ආසන්නයේ නවතා තැබීමට රියැදුරන් බියක් දක්වන බවද වාර්තා වේ.
ප්රේමලාල් විජේරත්න
