ජනාධිපති ගෝඨාභය රාජපක්ෂ මහතාට යොමු කිරීම අරමුණු කරගෙන යෝජනා 10ක් ඇතුළත් ලිපියක් අස්සන් කිරීමට විපක්ෂයේ සියලුම ප්රධාන දේශපාලන පක්ෂ තීන්දු කර ඇත.
ඒ අනුව අද (26) දිනයේදී එම ලිපියට එක්සත් ජාතික පක්ෂයේ නායක රනිල් වික්රමසිංහ සහ දෙමළ ජාතික සන්ධානයේ නායක ආර්. සම්බන්ධන් යන මහත්වරුන් අස්සන් කර තිබේ.
අනතුරුව එම ලිපිය සමගි ජන බලවේගයේ නායක සජිත් ප්රේමදාස මහතා වෙත අද දිනයේ යොමු කොට ඇති බවද දැනගන්නට ඇත.
ඉන් අනතුරුව එම ලිපිය අනෙකුත් පක්ෂ නායකවරුන් වන රවුෆ් හකීම්, මනෝ ගනේෂන්, රිෂාඩ් බදුර්දීන් සහ ජවිපෙ නායක අනුර කුමාර දිසානායක යන මහත්වරුන් වෙත යොමු කිරීමට නියමිතය.
ජුන් 02 වැනි දිනට ප්රථම පාර්ලින්තුව කැදවීම ඇතුළු යෝජනා 10 මෙම ලිපියේ අන්තර්ගතව ඇති බව වාර්තා වේ.
කෙසේවෙතත් අදාළ යෝජනා ජනාධිපතිවරයා විසින් ක්රියාත්මක නොකරන්නේ නම් ඊට එරෙහිව ඉදිරි පියවර ගැනීමට විපක්ෂයේ පක්ෂ නායකවරුන් සැලසුම් කර ඇති බවද දැනගනන්ට ඇත.
