පසුගිය දශකයක පමණ කාලය තුළ ලංකාවේ වාර්ෂික දරු උපත් ප්රමාණය 92,880කින් පමණ පහළ ගොස් ඇති බව රෙජිස්ට්රාර් ජනරාල් දෙපාර්තමේන්තුව මගින් නිකුත් කළ වාර්තාවලින් හෙළිව ඇතැයි පේරාදෙණිය විශ්වවිද්යාලයේ ආර්ථික විද්යා සහ සංඛ්යාන අධ්යයන අංශයේ ජ්යෙෂ්ඨ මහාචාර්ය වසන්ත අතුකෝරළ මහතා ‘මව්රට’ට පැවැසීය. (Sri Lanka Latest News)
2014දී උපත් ප්රමාණය 3,61,800ක් පමණ වාර්තා වන අතර, 2016 වනවිට එය 3,31,525 දක්වාත්, 2018 වන විට 3,25,741 දක්වාත්, 2020 වන විට 2,99,875 දක්වාත්, 2023දී 2,68,920 දක්වාත් ක්රමයෙන් අඩුවී ඇති බව වාර්තා වේ.
පසුගිය වසර 04 තුළදී සාමාන්යයෙන් වසරකට උපදින දරුවන් ප්රමාණය 15,000කට ආසන්න ප්රමාණයකින් පහළ යෑමක් පෙන්නුම් කෙරේ.
2023 වසරේදී 2022ට සාපේක්ෂව උපදින දරුවන් ප්රමාණය 20,93කින් පමණ පහළ යෑමක් පෙන්නුම් කරයි.
මේ අනුව දිගින් දිගටම දරු උපත් ප්රමාණය පහළ යෑම නිසා රටේ ජනගහනය ක්රමයෙන් අඩුවීමක් අනාගතයේදීද බලාපොරොත්තු විය හැකි බව සඳහන්ය.
පසුගිය අවුරුදු කීපයක් තුළ පැවැති සහ මේ වන විටත් පවත්නා ආර්ථික අර්බුද හමුවේ බොහෝ විවාහක තරුණ තරුණියන් දරුවන් හැදීම කල්දැමීම සහ වැඩි වශයෙන් රට හැර යෑමත් මෙම තත්ත්වයට බලපා ඇතැයිද මහාචාර්යවරයා පැවැසීය.
ප්රේමලාල් විජේරත්න
