ජනාධිපති ගෝඨාභය රාජපක්ෂ මහතා විසින් ආර්ථික පුනර්ජීවනය හා ද්රරිද්රතාවය තුරන් කිරීම සදහා බැසිල් රාජපක්ෂ මහතාගේ ප්රධානත්වයෙන් පත් කළ ජනාධිපති කාර්ය සාධක බළකාය අද (23) සිය පළමු රැස්වීම අරලිය ගහ මන්දිරයේදී පැවැත්වීමට කටයුතු කොට ඇත.
එම කාර්ය සාධක බළකාය, පහත සඳහන් ප්රධාන අරමුණු යටතේ ක්ෂේත්ර 37ක් ඔස්සේ සිය කාර්යයන් ඉටු කිරීමට නියමිතයි.
– ලෝකය පුරා ව්යාප්ත වී ඇති කොරෝනා වසංගත තත්ත්වය තුළ ශ්රී ලංකාවට ඇති ආර්ථීකමය හා සාමාජීය අභියෝගයන් හා අවස්ථාවන් කෙරෙහි සුවිශේෂී අවධානය යොමු කරමින් සෞභාග්යයේ දැක්ම ප්රතිපත්ති ප්රකාශය තුළ අන්තර්ගත කරුණු පදනම් කර ගනිමින් නව ප්රවේශයක් ඔස්සේ ශ්රී ලංකාවට අනන්ය වූ ආර්ථීක රාමුවක් සකස් කිරීම මඟින් නිෂ්පාදන ආර්ථියක් සඳහා අදාළ ආයතන සමඟ ඒකාබද්ධව කටයුතු කිරීම.
– කොරෝනා වසංගත තත්ත්වය හමුවේ සාමාන්ය ජන ජීවිතය යථා තත්ත්වය සාමාන්ය පරිදි පවත්වා ගෙන යාම සඳහා සෞඛ්ය හා අධ්යාපන කාර්ය සාධක බළකායන්ගේ ක්රියාකාරීත්වය ද සැලකිල්ලට ගෙන අදාළ සියලුම ආයතත සම්බන්ධීකරණය කරමින් අවශ්ය පියවර ගැනීම.
මෙහිදී කොරෝනා වසංගත රෝග තත්ත්වය පවතනි වර්තමානයේ මෙන්ම ඉන් පසුවත් ජන ජීවිතය යථා තත්ත්වයෙන් පවත්වා ගෙන යමින් ව්යාපාරික කටයුතු ඇතුළුව ශ්රී ලංකාවට ඉදිරියේදි මුහුණ පාන්නට සිදුවන ආර්ථිකමය හා සමාජමය අභියෝගයන් කළමණාකරණය කරගැනීම පිළිබදව අවධානය යොමු විය.
ඇදිරි නීතිය පවතින ප්රදේශවල මෙන්ම ඉවත් කරන ලද ප්රදේශවලද සමාජ දුරස්ථභාවය ඇතුළු සෞඛ්ය නීති රීති ඒ ආකාරයෙන්ම ක්රියාත්මක කරමින් ජන ජීවිතය යථා තත්ත්වයට පත්කිරීම පිළිබදව ද මෙහිදී වැඩිදුරටත් අවධානය යොමු කෙරිණි.
කමිටු සාමාජිකයන් සිය අදහස් හා යෝජනා ඉදිරිපත් කළ අතර කාර්ය සාධක බලකාය පිහිටුවීමේ අරමුණ සාර්ථක කර ගැනීම සඳහා ප්රධාන කමිටුවට අමතරව විෂය ක්ෂේත්රයන් යටතේ අනු කමිටු පිහිටුවීමටත්, මේ වන විට අමාත්යංශ මඟින් සිදුකෙරෙන සාමාන්ය රාජකාරී කටයුතු වලට අමතරව කාර්ය සාධක බලකාය සමඟ විශේෂ සම්බන්ධීකරණයක් පවත්වා ගෙන යාමටත් තීරණය කෙරිණි.
සියලු පළාත් පාලන ආයතන, දිස්ත්රික් ලේකම් කාර්යාල, ප්රාදේශීය ලේකම් කාර්යාල සහ ග්රාමීය මට්ටමේ නිලධාරීන් සම්බන්ධීකරණය කරගනිමින් මෙම කාර්ය සාධක බලකායේ ඉදිරි කටයුතු ක්රියාත්මක කිරීමටද නියමිතය.
ජනාධිපති කාර්ය සාධක බළකායේ සාමාජිකයින් වන අග්රාමාත්ය ලේකම් ගාමිණී සෙනරත් මහතා ඇතුළු අමාත්යංශ ලේකම්වරුන්, මහ බැංකු නියෝජ්ය අධිපතිවරයා, දෙපාර්තමේන්තු ප්රධානීන්, සංස්ථා මණ්ඩල සභාපතිවරු සහ ආරක්ෂක අංශ ප්රධානීන් මෙම අවස්ථාවට සහභාගි වූහ.
