රටේ නායකයෝ තරගයට ආගමික විහාරස්ථානවල පවා විදුලි බිල විසන්ධි කරමින් සිටින බවත් බුදුදහම අප රටට ලැබූ මිහින්තලා පුදබිමේ පවා විදුලිය විසන්ධි කළ නමුත් ප්රායෝගික බෞද්ධයන් ලෙස ඒ ගැටලුවට තාවකාලිකව විසඳුමක් සමගි ජන බලවේගයට ලබා දීමට හැකි වූ බවත් විපක්ෂ නායකවරයා පැවසීය.Sri Lanka Latest News
අපේ රටේ උත්තරීතර නීතිය වන ආණ්ඩුක්රම ව්යවස්ථාව තුළ සම්බුද්ධ සාසනයට විශේෂ පිළිගැනීමක් ලබා දී ඇතත් එය කොතෙකුත් දුරට මහපොළොවේ යථාර්ථයක් වී ඇත් ද යන්න සිතා බැලිය යුතු වුවත් සමගි ජන බලවේගය සම්බුද්ධ සාසනයේ චිරස්තිථිය උදෙසා කැපවූ දේශපාලන බලවේගයක් බවත් විපක්ෂ නායකවරයා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ ඊයේ (16) කළුතර පැවැති විනයගරුක සමාජයක් උදෙසා වූ භික්ෂු උපදේශක සභාව අමතමිනි.
මහා සංඝරත්නය හා විහාරස්ථාන ඒකාබද්ධ කර ගත් ගමනක් යනවා
අප රට තුළ විහාරස්ථාන 14108ක් ඇති බවත් විහාරස්ථාන 10347ක දහම් පාසල් අධ්යාපනය ක්රියාත්මක වන බවත් එසේම පිරිවෙන් 824ක් ඇති බවත් සමගි ජන බලවේගය විහාරස්ථානය, දහම් පාසල හා පිරිවෙන කේන්ද්ර කර ගෙන වැවයි දාගැබයි ගමන් පන්සලයි සංකල්පය තුළ සමාජ, ආගමික සංවර්ධන, විනීත යුක්තිගරුක ශිෂ්ඨසම්පන්න, ප්රබුද්ධ හා සෞභාග්ය සම්පන්න පුරවැසි පරපුරක් බිහි කරමින් රටේ ප්රගතියේ ප්රධාන කොටස්කරුවන් ලෙස විහාරස්ථාන පද්ධතිය හා මහා සංඝරත්නය සුරක්ෂා කිරීමේ ගමනක් යන බවත් විපක්ෂ නායකවරයා පැවසීය.
ආගමික සිද්ධස්ථාන ආරක්ෂා කරන්න කැපකරු ක්රමයක්
එහි දී මෙරට පන්සල් පද්ධතිය වෙනුවෙන් විහාරස්ථ කැපකරු ක්රමයක් ආරම්භ කර මහා සංඝරත්නය දේශපාලනඥයන්ගේ අණසකට සවන් දී දේශපාලනඥයන්ගේ අනුග්රහය මත යැපුණු තත්ත්වයෙන් මුදවා ගෙන විහාරස්ථාන කැපකරු ක්රමයක් හරහා විහාරස්ථාන පද්ධතියේ නිර්මලභාවය තවදුරටත් සුරක්ෂා කිරීමට කටයුතු කරන බවත් ඒ තුළ විවිධ අර්බුධවලට මුහුණ දී ඇති විහාරස්ථාන පද්ධතිය ආරක්ෂා වන බවත් විපක්ෂ නායකවරයා මෙහි දී අවධාරණය කළේය.
සෑම විහාරස්ථානයකටම සූර්යබල පද්ධතියක්
මේ වසර අවසන් වන විට විහාරස්ථාන හා අනෙකුත් ආගමික සිද්ධස්ථානවල සූර්යබල ශක්ති වැඩසටහන් ආරම්භ කර එමඟින් නිර්මාණය වන අතිරික්ත විදුලි බලය ජාතික විදුලි බල පද්ධතියට ලබා දී ආදායම් ලබා ගත හැකි ආකාරයට සකස් කරන බවත් විපක්ෂ නායකවරයා මෙහි දී පැවසීය.
වැසී යන විහාරස්ථාන ආරක්ෂා කර ගැනීමට සුවිශේෂී වැඩසටහනක්
සමගි ජන බලවේග රජයක් තුළ සංස්කෘතික සංචාර කර්මාන්තය කේන්ද්ර කර ගෙන විහාරස්ථාන පද්ධතිය ශක්තිමත් කරන වැඩපිළිවෙළකට මුල පුරා විදේශීය රටවල ආධාර උපකාර ලබා ගෙන විවිධ ඌණතා විෂමතා ප්රශ්න ගැටලු ඇති විහාරස්ථානවල ශක්තිය ලබා දෙන බවත් පැවසූ විපක්ෂ නායකවරයා කියා සිටියේ බෞද්ධ රටේත් විහාරස්ථාන වැසී යාමේ අර්බුධයක් ඇතිව තිබෙන බැවින් විහාරස්ථානවලට ස්වාධින ආර්ථික ශක්තිය ඇති කර ගැනීම සුවිශේෂී වැඩසටහනක් අවශ්ය බවයි.
ආගමික සිද්ධස්ථාන කේන්ද්ර කර ගත් ජනපරපුරක්
ගමේ පන්සල නගරයේ පන්සල සුහුරු තාරුණයය සුහුරු පුරවැසියා බිහි කරන කේන්ද්රස්ථානයක් බවට පත් කරන බවත් ඒ තුළින් විනයගරුක යුක්තිගරුක සංවරශීලී ජනපරපුරක් බිහි කිරීමේ ප්රධානම යාන්ත්රණයක් බවට පත් කරන බවත් මේ ක්රියාදාමයට අනෙකුත් ආගමික සිද්ධස්ථාන උපයෝගී කර ගෙන ජාති ආගම් කුල මළ පන්ති පක්ෂ භේදයකින් තොරව ක්රියාත්මක කරන බවත් විපක්ෂ නායකවරයා තවදුරටත් පැවසීය.
අපි ජාතික හා ආගමික සංහිඳියාවෙන් එක්සේසත් වූ රටක්
අපේ රට සැබවින්ම සෛරී, ඒකීය රටක් බවත් ජාතික හා ආගමික සමගිය සංහිඳියාව හා සහෝදරත්වය තුළින් එක්සේසත් වූ රටක් ලෙස ශක්තිමත් කිරීමට සැවොම බැඳී සිටින බවත් විපක්ෂ නායකවරයා මෙහි දී පැවසීය.
