වැලිකඩ බන්ධනාගාර රෝහලේ රෝගී සිරකරුවන් සඳහා නේවාසික පහසුකම් ලබාදීමට හැකියාව ඇත්තේ 180 දෙනකුට වුවද නිතරම එම සංඛ්යාව 380 දක්වා ඉහළ නගින බව බන්ධනාගාර පුනරුත්ථාපන කොමසාරිස් සහ මාධ්ය ප්රකාශක ගාමිණී දිසානායක මහතා ‘මව්රට’ට පැවැසීය. (Sri Lanka Latest News)
එම තත්ත්වය මත සමහර අවස්ථාවල එක ඇඳක රෝගීන් දෙදෙනා බැගින් රඳවන බවයි ඔහු සඳහන් කළේ.
එහෙත් රෝගී වන සිරකරුවන් වෛද්ය පරීක්ෂණවලින් පසුව යළි බන්ධනාගාරය වෙත යවන බවත්, ඒ අනුව එම රෝගීන් සංඛ්යාව අඩුවැඩි වීම සිදුවන බවද ඔහු සඳහන් කළේය.
මේ අතර, මෑතකදී යළි අධිකරණ තීන්දුව මත මරණ දඬුවම නියම වූ හිටපු පාර්ලිමේන්තු මන්ත්රී දුමින්ද සිල්වා මහතා ජයවර්ධනපුර රෝහලේ සිට පසුගිය ජනවාරි 19 වැනි සිකුරාදා බන්ධනාගාර රෝහලට රැගෙන ආ බවද බන්ධනාගාර මාධ්ය ප්රකාශකවරයා පැවැසීය.
මේ වන විට දිවයින පුරා බන්ධනාගාර 28 තුළ රඳවා සිටින රැඳවූවන්ගේ සංඛ්යාව 33,000කි.
බන්ධනාගාරවල ඉඩකඩ වැඩිකිරීමේ අරමුණෙන් දැනට ප්රයෝජනයට නොගන්නා ගොඩනැගිලි ගණනාවක් මේ වන විට ප්රතිසංස්කරණය කරගෙන යන බවද ගාමිණී දිසානායක මහතා පැවැසීය.
ප්රේමලාල් විජේරත්න
