උනුත් එකයි මුනුත් එකයි, වසර 75ක් දෙගොල්ලක් රට බෙදාගෙන කෑවා යැයි පැවතුණු ක්රමය ගැන විවිධ පුද්ගලයන් විවිධ කතා කියන නමුත් ප්රධාන දර්ශක දෙස බැලීමේදී මාතෘ හා ළදරු මරණ අනුපාත අඩුවී සාක්ෂරතාව ඉහළ ගොස් ඇති නිසා 75 වසරක් රට දියුණු නොවූ බවක් කිව නොහැකි නමුත් දියුණුව සිදුවූ වේගය අඩුවූ බව පැවැසිය හැකි බවත් විපක්ෂ නායකවරයා පැවසීය.Sri Lanka Latest News
වසර 30ක ත්රස්තවාදී යුද්ධය නිසා රටේ සංවර්ධන ගමන අභියෝග රැසක් මැද සිදු වුවත් 30 වසරක යුද්ධය අවසන් කර එම යුද ජයග්රහණය උපයෝගී කර ගෙන සංවර්ධන පිමි ගණනාවක් යා හැකි අවස්ථා මගහරිමින් රට ඉදිරියට යනවා වෙනුවට ආර්ථික සමාජයීය හා දේශපාලන පරිහානියක් කරා ගිය බවත් විපක්ෂ නායකවරයා පැවසීය.
රටේ කොටි ත්රස්තවාදය අවසන් වුවාට ආර්ථික ත්රස්තවාදීන් සිටින බවත් මෙම ආර්ථික ත්රස්තවාදීන් අධිකරණය හමුවට ගෙනවිත් වන්දි ලබා ගෙන රටට අහිමි වූ සම්පත් හා දේපල නැවත රටට ලබා ගන්න කටයුතු කරන බවත් ඒ තුළින් ලක්ෂ 12ක ණය බරින් මිරිකී සිටින දූදරුවන් 41 ලක්ෂය එම ණයබරතාවෙන් වහල්භාවයෙන් මුදවා ගැනීමේ සටනට සූදානම් වන ලෙස ද විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ (12) සක්වල සුහුරු පන්ති කාමර ලබා දීමේ වැඩසටහනේ 93 වැනි අදියර යටතේ මිනුවන්ගොඩ වීගොඩ මහා විද්යාලයට රුපියල් ලක්ෂ 10ක් වටිනා සුහුරු පන්ති කාමර උපකරණ ලබා දීමේ අවස්ථාවට එක්වෙමිනි.
දරුවන්ටත් තොරතුරු දැන ගැනීමේ අයිතියක් තිබෙනවා
විචාරකයින් යැයි කියා ගන්නා පුද්ගලයන් සමාජ මාධ්ය හරහා තදබල ලෙස මෙම වැඩසටහන් විවේචනය කරන බවත් ළමා ආරක්ෂක අධිකාරියේ සභාපති සමඟ ගිවිසුමක් ගසා තමා පාසල්වල දේශපාලනය කියනවා යැයි බොරු චෝදනා එල්ල කරන බවත් ඔවුන්ට කියන්න ඇත්තේ වැඩිහිටියන්ට මෙන්ම දරුවන්ටද තොරතුරු දැන ගැනීමේ අයිතිය ඇති බවත් විපක්ෂ නායකවරයා පැවසීය.
ඇත්ත හැංගු කාලය අවසන්
සෑම දරුවකුම ලක්ෂ 12ක ණය කාරයෙක් කර ඇති බවත් මේවා දරුවන්ගෙන් හංගා සිටිය නොහැකි බවත් සත්ය ජනතාවගෙන් සැගවූ කාලය අවසන් බවත් පැවසූ විපක්ෂ නායකවරයා කියා සිටියේ මේ අන්දකාරය තුළ රිදී රේඛාව නිර්මාණය කිරීමට සමගි ජන බලවේගය සූදානම් බවත් ඩොලර් බිලියන 90 ගණනක දේශීය විදේශීය ණයබරතාව පියවන්න ලෙහෙසි පහසු නොවූවත් ඒ සදහා අපනයන කේන්ද්රීය ආර්ථික සංවර්ධනයක් නිර්මාණය කළ යුතු බවයි.
සංවර්ධන නිලධාරීන්ගේ වගකීම බාර ගන්නවා
අප රට අමාරු කාලයක ගුරු ක්ෂේත්රයේ රාජකාරී ඉටුකරමින් විශිෂ්ට සේවාවක් ඉටු කළ සංවර්ධන නිලධාරීන්ගේ අනාගත වගකීම තමා බාර ගන්නා බවත් විපක්ෂ නායකවරයා පැවසීය.
සමගි ජන බලවේගය විසින් ක්රියාත්මක කරන හුස්ම වැඩසටහන යටතේ මේ වන විට රෝහල් 56කට රුපියල් ලක්ෂ 1719ක් වටිනා ඖෂධ සහ රෝහල් උපකරණත්, සක්වල බස් රථ වැඩසටහන යටතේ පාසල් 80 ක් සඳහා රුපියල් ලක්ෂ 50ක් වටිනා බස් රථ 80ක් ලබා දී ඇති අතර ඒ සඳහා රුපියල් ලක්ෂ 3892ක් ද සක්වල තොරතුරු තාක්ෂණ වැඩසටහන යටතේ පාසල් 93ක් සඳහා සුහුරු පන්ති කාමර උපකරණ ලබා දී ඇති අතර ඒ සඳහා රුපියල් ලක්ෂ 916ක් වැය කර තිබේ.
