යුක්තිය මෙහෙයුම යටතේ අද (29) අලුයම 12.30න් අවසන් වූ පැය 24 තුළ දිවයින පුරා සිදුකළ මෙහෙයුම්වලදී සැකකරුවන් 836 දෙනෙකු අත්අඩංගුවට ගෙන තිබේ.Sri Lanka Latest News
මත්ද්රව්ය වැරදි සම්බන්ධයෙන් සැකකරුවන් 579දෙනෙකු සහ අපරාධ අංශ වෙත යොමු කළ ලැයිස්තුවේ සිටි සැකකරුවන් 257දෙනෙකු මෙහිදී අත්අඩංගුවට ගෙන ඇති බව මහජන ආරක්ෂක අමාත්යංශය පැවසුවේය.
මෙහෙයුම්වලදී හෙරොයින් ග්රෑම් 142ක්, අයිස් ග්රෑම් 94ක්, ගංජා කිලෝග්රෑම් එකයි ග්රෑම් 358ක්, මත්පෙති 1,650ක් ඇතුළු මත්ද්රව්ය එහිදී ආරක්ෂක අංශ භාරයට ගෙන තිබේ.
සැකකරුවන් 06 දෙනෙකු සම්බන්ධයෙන් රැඳවුම් නියෝග මත වැඩිදුර විමර්ශන සිදුකරන අතර මත්ද්රව්යවලට ඇබ්බැහිවූ එක් අයෙකු පුනරුත්ථාපනය සඳහා යොමුකර ඇති බව මහජන ආරක්ෂක අමාත්යංශය පැවසුවේය.
අපරාධ අංශ වෙත යොමු කළ ලැයිස්තුවේ සිටි සැකකරුවන් 257 දෙනා අතර මත්ද්රව්ය වැරදි සම්බන්ධව විවෘත වරෙන්තු නිකුත්ව සිටි සැකකරුවන් 26 දෙනෙකු සහ මත්ද්රව්ය නොවන වැරදි සම්බන්ධයෙන් විවෘත වරෙන්තු ලැබූ 219 දෙනෙකු අත්අඩංගුවට ගෙන තිබේ.
