සැත්කමක් අතරතුර ඔක්සිජන් වෙනුවට කාබන්ඩයොක්සයිඩ් ලබාදීමෙන් කොළඹ ජාතික රෝහලේදී කාන්තාවක් ජීවිතක්ෂයට පත්වී ඇතැයි සෞඛ්ය වෘත්තීය සංගම් පවසයි.Sri Lanka Latest News
ඒ සම්බන්ධයෙන් අප කළ විමසීමකදී එම රෝහලේ නියෝජ්ය අධ්යක්ෂ වෛද්ය රුක්ෂාන් බෙල්ලන මහතා පැවසුවේ, සිද්ධිය සම්බන්ධයෙන් විමර්ශනයක් සිදුකරන බවය.
මියගිය කාන්තාව පසුගියදා කොළඹ ජාතික රෝහලට ඇතුළත් කර තිබුණේ, පියයුරු පිළිකා සැත්කමක් සඳහාය.
සැත්කම සිදුකිරීම සඳහා එම කාන්තාව ඊයේ (29) රාත්රීයේ කොළඹ ජාතික රෝහලේ B ශල්යාගාරයට යොමුකර තිබුණි.
සෞඛ්ය වෘත්තීය සංගම් පවසන්නේ ඇයට අවශ්යව තිබූ ඔක්සිජන් වෙනුවට වැරදීමකින් කාබන්ඩයෝක්සයිඩ් වායුව ලබාදී ඇති බවය.
සැත්කම අතරතුර මියගොස් ඇත්තේ නුගේගොඩ ප්රදේශයේ පදිංචි 62 හැවිරිදි කාන්තාවකි.
සිද්ධිය සම්බන්ධයෙන් අප කොළඹ ජාතික රෝහලේ නියෝජ්ය අධ්යක්ෂ රුක්ෂාන් බෙල්ලන මහතාගෙන් විමසීමක් කළ අතර ඔහු සඳහන් කළේ, ඊයේ රාත්රියේ ඇයට සැත්කම සිදුකරන අතරතුරදීම කාන්තාව ජීවිතක්ෂයට පත්වී ඇති බවය.
සිද්ධිය සම්බන්ධයෙන් විමර්ශනයක් සිදුකරන බවද වෛද්ය රුක්ෂාන් බෙල්ලන මහතා සඳහන් කළේය.
මේ අතර, සෞඛ්ය අමාත්ය රමේෂ් පතිරණ මහතා කොළඹ ජාතික රෝහලේ අධ්යක්ෂවරයාට දැනුම්දී ඇත්තේ, සිද්ධිය සම්බන්ධයෙන් පරීක්ෂණයක් සිදුකර ලබන සඳුදා වන විට තමාට වාර්තාවක් ලබාදෙන ලෙසය.
