මාස තුනක උපදේශන ක්රියාවලියක් පැවැත්විය යුතු යැයි, සිවිල් සංවිධාන විසින් කරන ලද ඉල්ලීම නොතකා හරිමින්, එළැඹෙන ජනවාරියේ සිට “අන්තර්ජාලආරක්ෂණ පනත” බලාත්මක කිරීමට රජය සූදානම් වන බව මාධ්ය වාර්තා කොට ඇත.Sri Lanka Latest News
පනත් කෙටුම්පත පාර්ලිමේන්තුවට ඉදිරිපත් වූ අවස්ථාවේ, විපක්ෂය, සිවිල් සංවිධාන සහ මාධ්ය සංවිධාන ඇතුළු පාර්ශ්ව රැසක්, ශ්රේෂ්ඨාධිකරණය හමුවේ එය අභියෝගයට ලක් කළ අතර, ශ්රේෂ්ඨාධිකරණය, සංශෝධනයන්ට යටත්ව, පනත සදහා අවසර දෙන ලදී.
යෝජිත ඔන්ලයින් සේෆ්ටි පනත, භාෂණයේ සහ ප්රකාශනයේ නිදහසට එල්ල වන මරු පහරක් බව විපක්ෂයේත්, සිවිල් සංවිධානවලත්, මාධ්ය සංවිධානවලත් පොදු පිළි ගැනීම විය. ඊට අමතරව, මෙම පනත බලාත්මක වුවහොත් ගූගල් සහ මෙටා වැනි සමාගම් ලංකාව අතහැර යාමේ අවදානමක් ඇති බවද ඔවුන් පැවසී ය.
ඒ සියළු කරුණු සලකා බලා, පනතපාර්ලිමේන්තුව තුළ විවාදයට ගැනීමට පෙර, උපදේශන ක්රියාවලියක් සදහා මාස තුනක කාලයක් ලබා දෙන පාර්ශ්ව රැසක් රජයෙන් ඉල්ලා සිටියේ ය.
එම සියළු ඉල්ලීම් නොතකා හරිමින්, ජනවාරි 23 වන දා යින් ඇරඹෙන පාර්ලිමේන්තු සතිය තුළ පනත විවාදයට ගෙන සම්මත කර ගැනීමට රජය සූදානම් වේ.
මෙම පනත පාර්ලිමේන්තුවට ඉදිරිපත් කරන ලද්දේ මහජන ආරක්ෂක අමාත්ය ටිරාන් අලස් මහතා විසිනි. පනතට පැමිණි විරෝධය හේතුවෙන්, පනත සම්මත කිරීමට පෙර පුළුල් උපදේශන ක්රියාවලියකට ඉඩ ලබා දෙන බව අමාත්යවරයා පොරොන්දු වී තිබුණි.
