වැඩබලන පොලිස්පතිවරයා වශයෙන් ජනාධිපති රනිල් වික්රමසිංහ මහතා විසින් පත් කළ දේශබන්දු තෙන්නකෝන් මහතාගේ නම බහුතර ඡන්දයෙන් අනුමත කිරීමට ව්යවස්ථාදායක සභාව පියවර ගෙන ඇත.Sri Lanka Latest News
අද පාර්ලිමේන්තුවේදී පැවැති ව්යවස්ථාදායක සභා රැස්වීමේදී මෙම නාමයෝජනාව පිළිබද සාකච්ඡා කොට ඇති අතර එහිදී වැඩි ඡන්දයෙන් දේශබන්දු තෙන්නකෝන් මහතාගේ නම සම්මත වී තිබේ.
එහිදී ව්යවස්ථාදායක සභාව නියෝජනය කරන ආණ්ඩු පක්ෂ නියෝජිතයන් තිදෙනා සහ සිවිල් සංවිධාන නියෝජිතයන් දෙදෙනකු දේශබන්දු තෙන්නකෝන් මහතාගේ නමට පක්ෂව ඡන්දය දී ඇති අතර විපක්ෂ නායක සජිත් ප්රේමදාස මහතා සහ කබිර් හෂීම් මහතාත්, තවත් එක් සිවිල් සංවිධාන නියෝජිතයෙකුත් එම නාම යෝජනාවට විරුද්ධව ඡන්දය ප්රකාශ කොට ඇති බව වාර්තා වේ.
