දරුවන්ගේ කුසලතා සහ අන්යෝන්ය වූ හැකියාවන් උපයෝගී කර ගනිමින් ඔවුන්ගේම ආරක්ෂාව සහ සමාජ ආරක්ෂණය ඇති කරලීම සඳහා Social Intelligence Unit හෙවත් සමාජ බුද්ධි ඒකකයක් ස්ථාපිත කරලීමට කටයුතු කරන බව ආරක්ෂක රාජ්යය අමාත්යය ප්රමිත බණ්ඩාර තෙන්නකෝන් මහතා පැවසීය.Sri Lanka Latest News
එතුමන් එසේ පැවසූවේ රන්ටැඹේ ජාතික ශිෂ්ය භට බලකා පුහුණු මධ්යස්ථානයේ පැවති ආධුනික නිලධාරි පාඨමාලා අංක 41 විසිරයාමේ පෙළපාලියට එක්වෙමිනි.
එහිදී රාජ්ය අමාත්යවරයා මෙසේද කීය.
මෙම වසර ජාතික ශිෂ්ය භට බලකායට ඉතා වැදගත් වසරක් වගේම ස්වර්ණමය අවස්ථාවක්. ඉතිහාසයේ පළමුවන වතාවටයි මෙලෙස ජනාධිපති අධිකාරිය සංකේතවත් කරමින් අසිපත් ප්රධානය කොට ශිෂ්ය භට බලකා නිලධාරීන්ට විසිර යන්නේ.
මේ වසරේදී අපි ජාතික ශිෂ්ය භට බලකායේ කටයුතු වඩාත් පුළුල් කිරීම සඳහා ගුරු විදුහල්පතිවරු 1000 ක් අනුයුක්ත කර ගැනීම සඳහා අධ්යාපන අමාත්යාංශයේ අනුමැතිය ලබා ගත්තා. ජාතික ශිෂ්ය භට බලකායේ විෂයමාලාව අනාගතයට සුදුසු විශ්වීය පුරවැසියකු නිර්මාණය කිරීමට අවැසි කුසලතා ආකල්ප සහ දැනුමින් යුතුව යාවත්කාලීන කිරීමට කටයුතු කළා.
ඒ වාගේම බහු සංස්කෘතික අන්යෝන්ය ආකල්ප වලින් පොහොසත් අනාගත ශ්රී ලාංකීය පුරවැසියා බිහි කිරීම සඳහා උතුරු නැගෙනහිර දුවා දරුවන් ජාතික ශිෂ්යභට බලකායට බැඳීම උනන්දු කර වීමට පියවර රාශියක් මේ වන විට අරගෙන තිබෙනවා.
අපි ශිෂ්යභට දරුදැරියන්ට ජාත්යන්තර අත්දැකීමට නිරාවරණය කිරීම සඳහා ඉන්දියාව සහ මාලදිවයින යන රටවල් සමඟ ඒකාබද්ධ පුහුණු කඳවුරක් පැවැත්වීමට කටයුතු කරගෙන යනවා.
ඒ විතරක් නෙවෙයි කුඩා දරුවන්ගේ අභීත උසස් හැකියාවන් ඇගයීම සඳහා ‘ජාතික තරුණ විරු සම්මානය’ ලබා දීමට අපි ක්රමවේද සකස් කරමින් ඉන්නවා.
ජාතික ශිෂ්ය භට බලකාය සහ අධ්යාපන අමාත්යාංශය බද්ධ කිරීම සම්බන්ධව විශේෂ ගෞරවය හා ස්තුතිය ගරු ජනාධිපති රනිල් වික්රසිංහ මහතාට හිමි විය යුතුය. ඔහු අධ්යාපන අමාත්යවරයා ව සිටි අවධියේ මෙවන් පියවර රැසක් අධ්යාපනයේ දියුණුව උදෙසා රැගෙන තිබෙනවා යැයි ආරක්ෂක රාජ්ය අමාත්ය ප්රමිත බණ්ඩාර තෙන්නකෝන් මහතා පැවසීය.
දිලංක ගුණතිලක
