‘ලෝක වැසිකිළි දිනය’ අදට යෙදී තිබෙනවා. සෑම වසරකම නොවැම්බර් 19 වනදා ‘ලෝක වැසිකිළි දිනය’ ලෙස නම් කර ඇත්තේ ඒ සෞඛ්යාරක්ෂිත වැසිකිළියක් භාවිතා කිරීමේ අවශ්යතාවය පිළිබඳව ලෝක මහජනතාව වෙත අවධානය යොමු කිරීමේ අරමුණින්. (Sri Lanka Latest News)
සිංගප්පූරුවේ දානපතියෙකු වන ජැක් සිම් විසින් 2001 වසරේ නොවැම්බර් 19 වනදා ලෝක වැසිකිළි සංවිධානය ආරම්භ කළ අතර පසුව එම දිනය ලෝක වැසිකිළි දිනය ලෙස ප්රකාශයට පත් කර තිබෙනවා. 2013 වසරේ දී ලෝක සනීපාරක්ෂක අර්බුදය අවසන් කිරීමට සාමූහික ක්රියාමාර්ගයක් ඉල්ලා සිටියේ සිංගප්පූරු රජයයි. එහි ප්රතිඵලයක් ලෙස වැසිකිළි දිනය නිල වශයෙන් එක්සත් ජාතීන්ගේ දිනයක් බවට පත් කෙරුණා.
ශ්රී ලංකාවේ තවමත් තමන්ටම කියා වැසිකිළියක් නොමැති පවුල් විශාල සංඛ්යාවක් ජීවත්වන බව ශ්රී ලංකා මහජන සෞඛ්ය පරීක්ෂකවරුන්ගේ සංගමය පවසනවා.
මෙරට දැනට පවතින නිවාස සංඛ්යාවෙන් සාමාන්යයෙන් විස්සෙන් එකකට පමණ සෞඛ්යාරක්ෂිත වැසිකිළියක් නොමැති බවට සංඛ්යා ලේඛන අනුව හඳුනාගත හැකි බවයි ශ්රී ලංකා මහජන සෞඛ්ය පරීක්ෂකවරුන්ගේ සංගමයේ විධායක සභික ඩබ්ලිව්. ඩී. රෝෂන් කුමාර මහතා කියාසිටියේ.
සෞඛ්යාරක්ෂිත වැසිකිළියක අවශ්යතාවය පවතින ලාංකික ජනගහණයක් මෙරට තුල ජීවත් වන අතර මේ පිළිබඳ අවධානය යොමු කිරීමේ අවශ්යතාව දැඩිව පවතින බවයි ශ්රී ලංකා මහජන සෞඛ්ය පරීක්ෂකවරුන්ගේ සංගමය පෙන්වා දෙන්නේ.
ඊට අමතරව වඩාත්ම කණගාටුදායක තත්ත්වය වන්නේ ලංකාව පුරා පවතින පාසැල් අතුරින්ද භාවිතා කරන වැසිකිළිවල තත්ත්වය නිවැරදි කිරීමට අවධානය යොමු කළ යුතු වීමයි.
එසේම මීට පෙර අඩු ආදායම් ලාභීන්ට වැසිකිළියක් ඉදිකිරීම සඳහා ලබා දුන් ආධාර ක්රමය නැවත ආරම්භ කිරීම සඳහා ද ඔවුන් යෝජනා කරනවා. ඊට අමතරව සෑම පාසලකම තිබිය යුතු වැසිකිළි හා කැසිකිළි ප්රමාණය ගණනය කර අදාළ අවශ්යතාවයන් පරිදි ගැහැණු හා පිරිමි දරුවන් වෙනුවෙන් වනසේ ඒවා සකස් කිරීම දැඩි අවශ්යතාවයක්ව පවතින බවයි ශ්රී ලංකා මහජන සෞඛ්ය පරීක්ෂකවරුන්ගේ සංගමය වැඩිදුරටත් සඳහන් කරන්නේ.
dasathalankanews
