එක්ස්ප්රස් පර්ල් නෞකාව නිසා සිදුවූ හානිය මිගමුවේ සිට පානදුර දක්වා පමණක් යැයි තීන්දු කර ඇති මුත් නැගෙනහිර වෙරළ දක්වා කැස්බෑවන්ගේ සිරුරු ගොඩගසා ඇති බවත් ජෛව විවිධත්ව පද්ධතියට හා ධිවර ප්රජාවට සිදුවූ බලපෑම අතිමහත් බවත් මේ නිසා වන්දි ලැබෙන ධීවරයන් ප්රමාණයන් සම්බන්ධයෙන් ද ගැටලු සහගත බවත් විපක්ෂ නායකවරයා පැවසීය.Sri Lanka Latest News
නිවැරදි දත්ත ගණනයක් සිදු නොවූ නිසා පානදුර සිට මිගමුව දක්වා පමණක් හානි වූ බවට තක්සේරු කර ඇති බවත් මෙම සිමාවෙන් ඔබ්බට බලපෑමක් සිදුවූයේද නැද්ද යන්න ගණනය කිරීමට අදාළ දත්ත ධිවර අමාත්යාංශයෙන් ලැබි නොමැති බවත් සංසන්දනය කරන්න බැරිවන ආකාරයට දත්ත නොලැබි ඇති බැවින් මේ මොහොතේ හෝ නිවැරදි දත්ත ගණනය කර විශේෂඥ කමිටුවලට ලබා දෙන ලෙසත් විපක්ෂ නායකවරයා පැවසීය.
පානදුර මීගමුව සීමාවෙන් ඔබ්බට ඇති ධිවර සංවිධාන නියෝජිතයන් හමුවී ඔවුන්ගේ අස්වැන්න සම්බන්ද ගැටලු සම්බන්දයෙන් අදහස් පළ කිරීමට අවස්ථාව ලබා දෙන ලෙසත් එම දත්ත හා විශේෂඥ කමිටුව සතුව ඇති දත්ත සංසන්දනය කර මේ සම්බන්ධ සවිස්තර හානි පූර්ණ වාර්තාවක් සකස් කරන ලෙසත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ පසුගියදා පාර්ලිමේන්තු මන්ත්රී අජිත් මාන්නප්පෙරුම මහතාගේ සභාපතීත්වයෙන් වනජීවී පරිසර හා ස්වාභාවික සම්පත් පිලිබඳ ආංශික අධීක්ෂණ කාරක රැස්වීමේ දී එක්ස්ප්රස් පර්ල් නෞකාව සම්බන්ධයෙන් වූ සාකච්ඡාවේදීය.
