කිළිනොච්චිය පලෙයි ප්රදේශයේ පිහිටි ස්වභාවික තල් වනය ඊයේ (01) ගිනිගැනීමෙන් තල් ගස් 2000 ක් පමණ විනාශ වී ගොස් තිබේ. (Sri Lanka Latest News)
මෙම තල් වනයට යාබදව පිහිටි පෞද්ගලික ගොවිපලක කම්කරුවන් පිරිසක් ගොවිපලේ කසලවලට ගිනි තැබීම නිසා හටගත් ගින්නක් තල්වනය දෙසටද පැතිර යාම නිසා තල් වනය විනාශ වී ගොස් තිබේ.
ගින්න නිසා හානි වූ තල් ගස් දෙදහසකට වඩා වැඩි ප්රමාණයට අමතරව තල් බීජ හා කුඩා පැල විශාල සංඛ්යාවක්ද විනාශ වී ගොස් ඇති බව තල් සංවර්ධන මණ්ඩලයේ යාපනය කාර්යාලය නිවේදනය කොට තිබේ.
මේ ගින්න නිසා හානි වූ ප්රමාණය රුපියල් කෝටි තුනකට ආසන්න බවටද ඔවුන් ගණන් බලා ඇති අතර, වගකීමකින් තොරව තැනින් තැන පිරිස් කසල හා කැලෑ ගිනි තැබීම නිසා වාර්ෂිකව තල් වගාවට රුපියල් කෝටි පහකට පමණ වඩා වැඩි හානියක් සිදුවන බවද ප්රකාශ කොට තිබේ.
lankasara
